Նախքան ձեր ընտանի կենդանու հետ արշավ պլանավորելը, պարզեք, թե արդյոք կարող եք նրան վերցնել ձեզ հետ: Պետք է հրաժարվել շան հետ արշավելուց, եթե:

• Երթուղին անցնում է արգելոցի կամ ազգային պարկի տարածքով, որտեղ արգելվում են ընտանի կենդանիները։ Արգելքը  կապված է այն բանի հետ, որ շները կարող են վնասել էկոհամակարգին, հարձակվել թռչունների և փոքր կենդանիների վրա: Որոշ դեպքերում շներին թույլատրվում է քայլել, բայց միայն շնաթոկով և դնչկալով:
• Երթուղու վրա վտանգավոր վայրի կենդանիների, օրինակ ՝ արջի հետ հանդիպելու վտանգ կա։ Գիշատիչը կարող է առաջինը չհարձակվել, սակայն շունը կարող է հրահրել նրան իր վարքով ։
• Ռելիեֆի առանձնահատկությունները հարմար չեն շների հետ արշավի համար՝ թեք լանջեր, ժայռոտ հատվածներ: Բարձրանալը շների համար կարող է խնդիր չլինել, բայց իջնելը լուրջ դժվարություններ առաջացնել:
• Արշավային խմբում կան անդամներ, ովքեր դեմ են շանը։ Ոչ մի դեպքում չպետք է անտեսել այս կետը։
• Կենդանու ոչ պատշաճ տարիքը, ֆիզիկական և հոգեկան վիճակը: Խորհուրդ չի տրվում մինչև մեկ տարեկան քոթոթներ, վատառողջ շներն, վարակիչ հիվանդություններից հետո շներին տանել արշավ:

Արշավը հնարավորինս հանգիստ և հարմարավետ լինի կենդանու և նրա տիրոջ համար՝ պետք է պատրաստել շանը․

• Նախքան արշավի գնալը, ձեր շանը տարեք երկար զբոսանքների: Աստիճանաբար ավելացրեք երթուղու տևողությունը և դժվարությունը: Սա դրականորեն կանդրադառնա շան ֆիզիկական վիճակի վրա։ Դա կօգնի նրան հարմարվել ապագա սթրեսներին և նոր հուզական փորձին։ Թույլ կտա ձեզ ողջամտորեն գնահատել ընտանի կենդանու ուժն ու հնարավորությունները:
• Սովորեցրեք առնվազն հիմնական հրամանները ՝ “ինձ մոտ”,” չի կարելի”,”թողնել”: Դա անհրաժեշտ է կենդանու անվտանգության, ձեր հանգստության և խմբի բոլոր անդամների հարմարավետության համար:
• Սկսեք փոքրից՝ մեկօրյա արշավներ պարզ երթուղիներով: Ծանր քաշ ունեցող որոշակի ցեղատեսակների ձագերին արգելվում է մեծ ծանրաբեռնվածություն առաջացնել աճող հոդերի վրա։  Հասկին նման սահմանափակումներ չունի, նույնիսկ երեք ամսական ձագը կարող է հեշտությամբ քայլել 15 կմ մեկ արշավի ընթացքում:
• Համոզվեք, որ շունը առողջ է։ Նախորդ օրը կատարված պատվաստումներից հետո խորհուրդ է տրվում պահպանել կարանտինը (10 օր առանց ակտիվ զբոսանքի և լողանալու):
• Արշավից առաջ մտովի անցեք երթուղին և գնահատեք, թե ինչ խոչընդոտներ կլինեն այնտեղ, և արդյոք շունը կկարողանա հաղթահարել դրանք:
• Համոզվեք, որ արշավի մասնակիցների շրջանում ոչ ոք դեմ չէ շան ընկերակցությանը, որպեսզի չփչացնի տրամադրությունն ու հարաբերությունները:
• Կարճ ճանապարհորդությունների ժամանակ ստուգեք, թե ինչպես է շունը տանում տրանսպորտով տեղափոխությունները:  Ինչպե՞ս է նա իրեն զգում անծանոթ մարդկանց շրջանում, ագրեսիա չի՞ ցուցաբերում, սթրես չի՞ զգում: Շների մեծ մասը լավ հանդուրժելու է ճանապարհորդությունները, եթե նրանց մանկուց սովորեցնեն։ Կան առանձին դեպքեր, երբ շունը սրտխառնոց է ունենում անկախ ամեն ինչից: Պարզել, որ շունը սրտխառնոց ունի, դժվար չէ. նա ունի առատ թքարտադրություն, անընդհատ կուլ է տալիս և լիզում քիթը։ Շատ հաճախ է շնչում, տեղում չի նստում,  ցույց է տալիս ծայրահեղ անհանգստության նշաններ և ակնհայտորեն տանջվում է, կարող է առաջանալ փսխում։ Շների համար, ինչպես մարդկանց համար, կան հատուկ հաբեր: Ամենակարևոր կանոնը. մի կերակրեք ձեր շանը ճանապարհորդելուց առաջ:
• Նախապես մտածեք շան սնունդը կազմակերպելու մասին: Եթե չի տառապում աղիքային խանգարումներից, չի պահանջում հատուկ դիետա ապա խնդիրներ չեն լինի:
• Իմացեք Ձեր անասնաբույժից, թե ինչպես պաշտպանել ձեր շանը տզերից, լուերից և ճիճուներից:

Հոդվածը կազմվել է ArmLand ակումբի դիտարկումների և հավաքագրած նյութերի հիման վրա։