ՄԱՐՄԱՇԵՆԻ ՎԱՆՔ

Մարմաշենի վանք

Մարմաշենի վանական համալիրը գտնվում է Երևանից 129 կմ, իսկ Գյումրիիից ընդհամենը 10 կմ հեռավորության վրա։ Գյումրի այցելության դեպքում անպայման պետք է բաց չթողնել Մարմաշենի վանքը տեսնելու հնարավորությունը։ Գյումրիից Մարմաշեն ճանապարհը կտևի ընդհամենը 25 րոպե, բայց կտեսնեք Հայաստանի գեղեցիկ վանքերից մեկը։ Վանքը գտնվում է Ախուրյան գետի ձախ ափին, և այնտեղից հրաշալի տեսարան է բացվում։

Վանքի կառուցվածքը

Մարմաշենի վանքը բաղկացած է շինությունների երկու խմբից՝ Մեծ և Փոքր։ Վանքը բաղկացած է մի քանի եկեղեցոից, տնտեսական կառույցներից և օժանդակ շինություններից, որոնցից պահպանվել են հինգ եկեղեցիներ և այլ կառույցներ։

  Գլխավոր եկեղեցին Կաթողիկեն է, որը կառուցվել է 988-1029թթ․-ին։ Եկեղեցին կառուցել է Վահրամ Պահլավունին։ Այդ մասին վկայում է հարավային պատի արձանագրությունը։ Այն իրենից ներկայացնում է գմբեթավոր դահլիճ տիպի շինություն։ Եկեղեցու արևելյան խորանը պատված է որմնախորերով և շատ նման է Անիի Մայր տաճարին։ Ենթադրվում է, որ Կաթողիկեի կառուցողը եղել է Տրդատ ճարտարապետը։Այն արտաքինից զարդարված է հայկական խորշերով և այնքան ներդաշնակ է տեղի բնության հետ, որ հիացմունք է առաջացնում։

  Կաթողիկեին արևմուտքից կից է քառասյուն գավիթը, որը ավերված է։ Այստեղ է թաղված Վահրամ Պահլավունին։ Կաթողիկեին հյուսիսից կից է երկրորդ եկեղեցին, որը Կաթողիկեի փոքրացված կրկնօրինակումն է։ Պահպանվել են միայն պատերը։ Կաթողիկեին հարավից կից է երրորդ եկեղեցին։ Այն ներքուստ խաչաձև, արտաքուստ ուղղանկյուն, կենտրոնագմբեթ կառույց է։ Համալիրի հարավարևմտյան մասում է գտնվում չորրորդ եկեղեցին, որն արտաքուստ կլոր է եղել։ Պահպանվել են միայ պատերի ստորին երկու շերտերը։ Այս չորս եկեղեցիները կազմում են այսպես կոչված Մեծ վանքը։ Մեծ վանքից հյուսիս՝ բլրի վրա հինգերորդ կամ հին եկեղեցին է։ Գմբեթավոր կառույց է և գտնվում է ավերված վիճակում։Փոքր վանքի շուրջը տարածվում է գերեզմանատունը, որտեղ ամփոփված է Վհրամ Պահլավունու կնոջ աճյունը։

    Մարմաշենի վանքի պեղումներից, միջնադարյան շերտերից ներքև հաջողվել է հայտնաբերել հարուստ շերտ։ Հայտնաբերվել են խեցեղեն անոթների բեկորներ, որոնք հավաստում են այստեղ եղած քաղաքակիրթ հասարակության գոյության մասին։

 

Լուսանկարներ

marmashen
Մարմաշենի վանք
Լուսանկարները՝ Արտյոմ Մարտիրոսյանի

ՄԵՐ ԱՌԱՋԻԿԱ ԱՐՇԱՎՆԵՐԸ

Կոնտակտներ

Հասցե։ Երևան, Արշակունյաց 4

Հեռ. :

+37444880058
(Whatsapp, Viber, Telegram)

էլ․ փոստ։ [email protected]