Արցախի բռունցք․ Մեծ Քիրս լեռ

Մեծ Քիրս լեռը գտնվում է Իշխանասարի լեռներում՝ Արցախի լեռնաշղթայի հարավային մասի ճյուղավորումներից է,  բարձրությունը կազմում է 2724 մ։ Քիրս լեռը բավականին արտահայտիչ տեսք ունի, և այն հեռվից առանձնանում է  իր վեհ գեղեցկությամբ, լեռան  գագաթի հատվածը նման է սեղմված բռունցքի։ 

Քիրս լեռը  հանդիսանում է Արցախի խորհրդանիշներից մեկը,  այն պատկերված է Արցախի զինանշանի վրա երկնագույն գույնով։ Մեծ Քիրս  լեռը նաև հիշատակվում է Արցախի օրհներգի մեջ՝ Վարդան Հակոբյանի բանաստեղծությունների մեջ։

 

en-artsakh-state-marks

Թե հանդերն այս չնաշխարհիկ

Ու լեռները թողնեմ անտեր-

Ամպրոպագոռ մեր Քիրս սարի

Կայծակները ինձ կշանթեն։

Վազգեն Օվյան (Արցախի օրհներգից մի հատված)

Քաջերն ենք մենք հայկազուն,

Մռավ ենք, Քիրս ենք ու Թարթառ,

Մեր վանքերով լեռնապահ՝

Անհաղթելի մի բուռ աշխարհ։

Վարդան Հակոբյան

Մեծ Քիրսի պաշտամունքը

ՀԱՒԱՏՔ

Վարաբդացին հեռու անցեալում և մեծ մասամբ այժմըս էլ աստուածացրել է ամբողջ բնութիւնը և ծունր դրել նրա առաջ։ Քիրս լեռը իւր սպիատակափառ գագաթով նուիրական է եղել նրա համար․շատերը ծունր չոքած աղօթել են նրա առաջ։ Դեռ մինչև այժմս էլ Քիրսի աստուածացման վերաբերյալ աւանդութիւնները շրջում են ժողովրդի մէջ և լերան վերայ գտնուող բազմաթիւ ուխտատեղիներ խլել են նրանից նրա աստուածացումը։

Խերխան գիւղի Ծծաքարի աւանդութեան մէջ թշուաջ կինը Քիրսին է դիմում և խնդրում իրեն քար դարձնել, որ և կատարւում է։

Աշան գիւղի Ցից քարը դարձեալ մի կին է եղել, որ աւազակներից հալածուած՝ խնդրել է Քիրսին և քար դարձել։

 

Հաւատք․ Լեռների պաշտամունք

Ե․ Լալայեան

Մեծ Քիրս

Լուսանկարներ
Mets Qirs ler
Մեծ Քիրս Լեռ

Հոդվածը կազմվել է ArmLand ակումբի դիտարկումների և հավաքագրած նյութերի հիման վրա։

Լուսանկարները՝ Արտյոմ Մարտիրոսյանի

Քիրս լեռան երթուղին

Powered by Wikiloc

Կոնտակտներ

Հասցե։ Երևան, Արշակունյաց 4

Հեռ. :

+37444880058
(Whatsapp, Viber, Telegram)

էլ․ փոստ։ [email protected]