HY+374 44 880058 info@armland.am
HY+374 44 880058 info@armland.am

ԻՆՉՊԵՍ ԿՈՂՄՆՈՐՈՇՎԵԼ ՏԵՂԱՆՔՈՒՄ, ԵՐԲ ՁԵՌՔԻԴ ՏԱԿ ՉԿԱՆ ՔԱՐՏԵԶՆԵՐ ԵՎ ՀԵՌԱԽՈՍԱՅԻՆ ՀԱՎԵԼՎԱԾՆԵՐ

ՀԵՏԵՎԵ՜Ք ԲՆՈՒԹՅԱՆ ՆՇԱՆՆԵՐԻՆ

Յուրաքանչյուր արշավական պետք է իմանա տեղանքում կողմնորոշվելու բոլոր հնարավոր տարբերակները, չէ որ անկանխատեսելի իրավիճակներ կարող են լինել յուրաքանչյուր պահին: Տեղանքում կողմնորոշվելու համապատասխան քայլերը և միջոցները իմանալու դեպքում կհասկանաք, որ բնությունը շատ լավ կարող է Ձեզ ուղղորդել տեղանքում։

Նախ խոսենք այն մասին, թե ինչ պետք է անել նման իրավիճակից խուսափելու համար: Այսպիսով՝

  • Եթե մասնակցում եք խմբային արշավի, ապա մանրամասն լսեք խմբի ուղեկցորդի բոլոր հրահանգները
  • Ոչ մի դեպքում խմբից մի առանձնացեք, իսկ անհրաժեշտության դեպքում տեղեկացրեք խմբի ուղեկցորդներին
  • Եթե որոշել եք միայնակ ճանապարհորդել, ապա Ձեր մտադրության, երթուղու, պլանավորվող սկզբնակետի և վերջնակետի մասին տեղեկացրեք ընկերներից մի քանիսին, որպեսզի հարկ եղած ժամանակ իմանան Ձեր կոորդինատները և ցուցաբերեն համապատասխան օգնություն:
  • Արշավի գնալուց առաջ մանրամասն ուսումնասիրեք այն երթուղին, որով պլանավորում եք քայլել
  • Նայեք պլանավորվող երթուղուն մոտիկ բոլոր բնակավայրերի կոորդինատները

Եթե տեղանքում մոլորվել եք և ձեռքի տակ չկան քարտեզներ կամ հեռախոսային հավելվածներ, առաջին բանը, որ անհրաժեշտ է անել խուճապի չմատնվելն է: Փորձեք հանգստանալ և իրավիճակը դատել սառը գլխով: Գոյություն ունեն բազմաթիվ միջոցներ, որոնք կօգնեն առանձ ձեռքի տակ հատուկ միջոցներ ունենալու տեղանքում ճիշտ կողմորոշվել: Այժմ կներկայացնենք մի քանի միջոցներ, որոնցով կարելի է տեղանքում ճիշտ կողմնորոշվել՝

  • Եթե տեղանքում կան ծառեր, ապա ուշադիր նայեք դրանց բներին՝ հյուսիսային կողմում ծառերի բները ավելի հաճախ պատված են մամուռներով:
  • Ջերմաստիճանի բարձրացման դեպքում սարի լանջերի հյուսիսային կողմում ձյունն ավելի երկար է պահպանվում:
  • Սնկերն աճում են հիմնականում ծառերի հյուսիսային կողմում:
  • Գարնանը հարավային լանջերին խոտը աճում է ավելի արագ:
  • Հյուսիսային կիսագնդում հյուսիսի դիրքը կարելի է որոշել, տեղական ժամանակով կեսօրին կանգնելով արևին հակառակ դիրքով: Ձեր մարմնի շողքը ցույց կտա դեպի հյուսիս ուղղությունը: Հարավային կիսագնդում ամեն ինչ հակառակն է:
Shreshtasar

Սկսած Ձեր մոլորվելու պահից պետք է գործել հստակ և առանց ավելորդ խուճապի՝

  • Դադարեք առաջ շարժվել հենց այն պահին, երբ հասկանում եք, որ մոլորվել եք
  • Հանգստացեք
  • Նայեք հստակ ժամը
  • Ուսումնասիրեք տեղանքը, փորձեք հասկանալ որտեղ եք գտնվում, ինչ կա Ձեր կողքին
  • Ստուգեք աշխատում են կապի միջոցները, թե ոչ
  • Լսեք շրջապատից եկող ձայները
  • Մինչև մութն ընկնելը գտեք գիշերակացի համար հարմար վայր
  • Կրակ վառեք
  • Առաջ շարժվելու դեպքում Ձեր հետևից թողեք հետքեր

Բոլորին անվտանգ վերելքներ և վայրէջքներ

Mountain photography

Կոնտակտներ


Тел. : +374 44 880 058 (Whatsapp, Viber, Telegram)

info@armland.am