HY+374 44 880058 info@armland.am
HY+374 44 880058 info@armland.am

10 ԼԱՎԱԳՈՒՅՆ ՖԻԼՄԵՐԸ ԼԵՌՆԵՐԻ ՄԱՍԻՆ

ՄԻ ԲԱԺԻՆ ՄՈՏԻՎԱՑԻԱ

Լեռներն ունեն ձգողության անբացատրելի ուժ, որի շնորհիվ իրենց մոտ են կանչում հազարավոր
լեռնասերների: Լեռնագնացությունը դա ապրելակերպ է, որը ստիպում է վերանայել հայացքներդ, կյանքին
նայել բոլորովին այլ աչքերով ու գտնել ներդաշնակություն: Լեռան գագաթ տանող ուղղին երբեմն դժվարին
է ու բարդ, բայց դա մի յուրօրինակ երկխոսություն է ինքդ քեզ հետ, որը քեզ տանում է դեպի
ինքնաճանաչողություն: Հազարավոր մարդիկ են ընտրում այդ ուղին, դարձնելով իրենց կյանքի անբաժան
մասը: Նրանցից ոմանց անցած ուղղին ոգեշնչում է շատերին, դառնալով լեռնային լավագույն գրքերի և
ֆիլմերի ստեղծման սկիզբ: Այսօր Ձեր ուշադրությանն ենք ներկայացնում լեռնային լավագույն ֆիլմերի ընտրանին: Դրանցից
յուրաքանչյուրը մի առանձին պատմություն է, որը ցույց է տալիս մարդկային հնարավորությունների
անսահմանությունն ու դառնում ոգեշնչման աղբյուր:

1. «Էվերեստ»

Աշխարհի ամենաբարձր լեռան գագաթին լինել երազում են հազարավոր պրոֆեսիոնալ լեռնագնացներ: Դեպի Էվերեստ իրականացրած հերթական էկսպեդիցիան ավարտվեց իսկական ողբերգությամբ:
Փորձառու լեռնագնաց Ռեբ Հոլը, հավաքելով լավագույն լեռնագնացների խմբին, պատրաստվում է վերելք իրականացնել Էվերեստ: Բոլոր այդ մարդիկ լի են խիզախությամբ և չեն պատրաստվում կանգ առնել ոչնչի դիմաց: Նրանցից յուրաքանչյուրն ունի դեպի գագաթ հասնելու իր պատճառները: Սակայն ինչպես կդասավորվեն հանգամանքները, չէ որ լեռներում ամեն բան անկանխատեսելի է։

2. «Հյուսիսային պատը»

Իրադարձությունները տեղի են ունենում 1936 թվականին: Ալպերի վերջին «չլուծված խնդիրը» մնում է Այգերի հյուսիսային պատը։ Հիտլերը խոստանում է Հյուսիային պատը հաղթահարողներին անձամբ հանձնել Բեռլինի օլիմպիադայի մեդալները։ 1938-ին իշխանություններն արգելում են բարձրանալ նրա վրա, իսկ փրկարարները, ի հեճուկս բոլոր կանոնադրությունների և կանոնների, հայտարարում են, որ այդ պատից ոչ մեկին այլևս չեն փրկի ։ Դեռ 30-ականների վերջին թվում էր, թե պատը երբեք չեն կարողանա հաղթահարել։ Նման մտորումների համար հիմք կար ՝ դա նախորդ տասնամյակի ժամանակագրությունն էր։ 1928-ից մինչեւ 1936-ը ընկած ժամանակահատվածում մի խումբ խիզախ մարդիկ պատը հաղթահարելու բազմաթիվ փորձեր են արել, սակայն ապարդյուն։ 1936 թվականի հուլիսին երկու բավարացիներ ՝ Թոնի Կուրցը և Անդրեաս Հինտերշտոյսերը, և երկու ավստրիացիներ ՝ Էդդի Ռայներն ու Վիլի Անգերերը, համատեղ ջանքեր են գործադրում պատը հաղթահարելու համար:

kinopoisk.ru

3. «Մեսներ»

Մեսները ալպինիզմի պատմության մեջ համաշխարհային ճանաչում ունեցող լեռնագնաց է: Նա դարձավ առաջինը, ով հաղթահարեց աշխարհի 14 ութհազարանոց գագաթները: Իրականացրել է ռեկորդային վերելքներ աշխարհի տարբեր հատվածներում, դրանցից շատերը սոլո վերելքներ: Մեսների մասին վավերագրական ֆիլմը պատմում է նրա անհավանական վերելքների և կյանքի պատմությունների մասին:

4. «Բարձրության գենը»

Ռուս պրոֆեսիոնալ և ոչ պրոֆեսիոնալ ալպինիստների արշավախումբը պատրաստվում է բարձրանալ աշխարհի ամենաբարձր գագաթը, և վերելքի ամբողջ ընթացքը նկարահանել: Վավերագրական ֆիլմում մանրամասն ներկայացնում են Էվերեստ բարձրանալու ողջ գործընթացը սկզբից մինչև վերջ:

 

5. «K2: սահմանային բարձրություն»

Հաջողակ փաստաբան Թեյլորը (Մայքլ Բին) և գիտնական Հարոլդը, մականունով Էյչ (Մեթ Քրեյվեն), երկար տարիներ զբաղվում են ալպինիզմով: Թեյլորի ռիսկի հակումը և դինամիկությունը մեղմվում են Էյչի մտածված լուծումներով։ Վերելքներից մեկի ժամանակ նրանք հանդիպում են էքսցենտրիկ միլիոնատեր Ֆիլիպ Կլեյբորնին, որվ մի խումբ ալպինիստների հետ պատրաստվում էր բարձրանալ աշխարհի ամենաբարդ լեռներից մեկը՝ Կ2-ը (Չագորի): Արշավի ժամանակ մահանում են Կլեյբորնի խմբի 2 անդամները, իսկ մյուսներին փրկում են Թեյլորը և Էյչը։ Կլեյբորնը այդ երկուսին հրավիրում է Նեպալում զոհված մասնակիցներին փոխարինելու: Միասին նրանք պետք է հաղթահարեն աշխարհի ամենաբարդ լեռներից մեկը:

6. «127 ժամ»

Իրական պատմությունների վրա հիմնված ֆիլմը պատմում է ալպինիզմ Արոն Ռալսթոնի կյանքի պատմությունը: Ժայռամագլցման և կիրճերում թաքնված քարանձավների սիրահարը հերթական
անգամ միայնակ ուղևորվում է ճանապարհորդության և հայտնվում թակարդում: Վայրեջքի ժամանակ, կիրճում մոտ երեք հարյուր կիլոգրամանոց քարն ընկնում է ալպինիստի աջ ձեռքի վրա: 127 ժամ առանց ջրի ու սննդի… Հենց այստեղ է, որ դրսևորվում են բնավորության ուժեղ կողմերը:

7. «Դիպչելով դատարկությանը»

Ֆիլմը հայտնի ալպինիստ Ջո Սիմփսոնի բեսթսելլերի էկրանավորումն է, որը պատմում է լեռնագնացների կյանքի ամենաանհավանական, իրական պատմություններից մեկը: Գրքում նկարագրվում է Սիմփսոնի եւ նրա ընկեր Սայմոն Յեթսի 1985 թվականին Պերուական Անդերի գագաթներից մեկը իրականացրած վերելքի մասին: Երկու երիտասարդ ալպինիստներ որոշում են նվաճել Սիուլա Գրանդեի հեռավոր եւ վտանգավոր արեւմտյան լանջը ՝ 7000 մետր բարձրությամբ: Վատ եղանակին իջնելիս Սիմփսոնը ընկնում է և կոտրում ոտքը ։ Գոյատևման համար պայքարում երիտասարդները ստիպված են ամեն րոպե բարդ որոշումներ կայացնել ։

8. «Ուղղահայաց սահման»

Պրոֆեսիոնալ ալպինիստ Ռոյ Գարրետը իր վերելքներից մեկի ժամանակ դժբախտ պատահարի զոհ է դառնում: Նրա երկու երեխաներից Էննին հոր մահից հետո շարունակում է զբաղվել ալպինիզմով, իսկ Պիտերը թողնում է այդ վտանգավոր մասնագիտությունը և զբաղվում լուսանկարչությամբ: Էկսցրենտիկ միլոիոնատերը ցանակնում է հասնել Կ2-ի գագաթ: Արշավախումբը ղեկավարում է Էննին: Էքսպեդիցիան հենց առաջին օրվանից ձախողվում է, ալպինիստները ուժեղ քամու պատճառով հայտնվում է սառցաճեղքի մեջ, որտեղից միայնակ դուրս գալն անհնար է: Էննիի եղբայր Պիտերը հավաքում է փրկարարական խումբ և շտապում օգնության:

9. «Նանգա-Պարբատ»

Ֆիլմը ներկայացնում է Մեսներ եղբայրների կյանքի պատմությունը և հիմնականում պատմում նրանց Քաշմիրի հովտի գագաթ 1970 թվականին իրականացրած վերելքի մասին։ Կյանքի գնով նրանք հասնում են գագաթ, սակայն հասկանում, որ վայրեջքն էլ ավելի դժվար ու վտանգավոր է լինելու: Վերադառնալով Ռեյնգոլդ Մեսները պատմում է, որ իջնելիս տեսադաշտից կորցրել է եղբորը, ով ամենայն հավանականությամբ ձնահոսքի զոհ է դարձել: Իսկ ականատեսները կպնդեն, որ Մեսները եղբորը զոհաբերել է հանուն իր ամբիցիաների՝ հիվանդ Գյունթերին թողել է անհայտ երթուղով իջնելու համար ։ Ռեյնգոլդ Մեսները կփորձի գնալ եղբոր մարմինը փնտրելու, ևս մեկ ականավոր վերելք կկատարի, բայց ընդմիշտ կմնա այդ ողբերգական պատահարի ստվերում: Եվ միայն 35 տարի անց ալպինիզմի պատմության մեջ մեծ գաղտնիքներից մեկը կբացահայտվի:

10. «Դյատլովի լեռնանցքի գաղտնիքը»

1959 թվականի հունվարին Իգոր Դյատլովի կողմից գլխավորած ալպինիստների խումբը ուղևորվում է
բարձրանալու այսպես կոչված «Մեռյալների լեռը» և ընդմիշտ մնում այնտեղ: Ռեժիսոր Ռենի Հարլինը առաջարկել է ողբերգական իրադարձությունների իր տարբերակը բավական համոզիչ կերպով, ներկայացնելով  «Բանականության որսորդները» հոգեբանական թրիլերը: Ամերիկացի ուսանողուհի Հոլլի Քինգը տպավորված խորհրդային ալպինիստների խորհրդավոր մահվան մասին փաստագրական ակնարկով հավաքում է համախոհների իր թիմը և որոշում անցնել այն նույն երթուղով, որով ժամանակին անցել է Դյատլովի արշավախումբը: Հավաքելով համախոհների թիմ, նա հույս ունի անցնել նույն երթուղով, որպեսզի գտնի հարցերի պատասխանները և նկարահանի իր ֆիլմը։ 

ՀԱՃԵԼԻ ԴԻՏՈՒՄ ԲՈԼՈՐԻՆ

Հոդվածը կազմվել է ArmLand ակումբի դիտարկումների և հավաքագրած նյութերի հիման վրա։

ԻՆՉՊԵՍ ՖՈՒԴԲԼՈԳԵՐ ԼԻԼՅԱՆ ԴԱՐՁԱՎ ԼԵՌՆԱԳՆԱՑ

Ծանոթացե՛ք հայտնի ֆուդբլոգեր Լիլյա Դավթյանի հետ Նրա հետաքրքրությունը մի օր իրեն տարավ լեռներ ու ստիպեց սիրահարվել բնության այդ հրաշագեղ հսկաներին։ Լիլյան ծնվել է Սյունիքի մարզի Մեղրի համայնքի Ագարակ գյուղում։ Շատերդ երևի թե արդեն համարվում եք իր ինստագրամյան «առողջ ընտանիքի» անդամ։ Իր ուժեղ կամքը և Հայաստանը բացահայտելու մեծ ցանկությունը բերեց իրեն լեռներ։  Բարձրացել է մի շարք...
Ավելին

ԱՐՇԱՎԱՅԻՆ ՓԱՅՏԵՐ․ ԻՆՉՊԵՍ ԿԱՏԱՐԵԼ ՃԻՇՏ ԸՆՏՐՈՒԹՅՈՒՆ

Արշավների ընթացքում փայտեր սկսել են օգտագործել դեռ շատ վաղուց: Փայտերը օգնում են  մեղմել ուսային հատվածների վրա ընկնող ծանրությունը, իջնելիս ծնկների վրա ընկնող ծանրությունը և քայլելու ընթացքում ծառայում են որպես լրացուցիչ հենարան: Նախկինում՝ շատ առաջ արշավականները օգտագործում էին դահուկային փայտիկներ: Եվրոպայում, սկսած 1950-ական թվականներից դրանք մտան մասսայական օգտագործման մեջ: Սակայն դահուկային փայտերը ունեին մեկ թերություն՝ ֆիքսված...
Ավելին
mountain kamar

ԼԵՌՆԱՅԻՆ ԷՔՍՊԵԴԻՑԻԱՆԵՐ․ ՊԼԱՆԱՎՈՐՈՒՄԻՑ ՄԻՆՉԵՎ ԿԱԶՄԱԿԵՐՊՈՒՄ

Ինչպե՞ս պլանավորել էքսպեդիցիաները Անվերջ բացահայտելու երկիր Հայաստանում միշտ կարելի է գտնել նորն ու հետաքրքիրը: Նորը բացահայտելու ձգտումով շատերը ուղևորվում են էքսպեդիցինարի: Էքսպեդիցիաներ պլանավորելիս պետք է հաշվի առնել յուրաքանչյուր մանրուք: Պետք է մանրակրկիտ ուսումնասիրել տեղանքը, պլանավորել նախնական երթուղին, որով պատրաստվում եք անցնել, գնահատել բոլոր հնարավոր ռիսկերը: Այդ հարցում իհարկե կօգնեն ժամանակակից սարքավորումները, ծրագրերն ու հեռախոսային հավելվածները:
Ավելին

ՄԵՐ ԱՌԱՋԻԿԱ ԱՐՇԱՎՆԵՐԸ

tsaghkartour

Երկօրյա արշավ Սյունիքում

Արմլենդ զբոսաշրջային ակումբը պատրաստվում է իրականացնել վերելք Խուստուփ լեռ, Սյունյաց աշխարհի ամենագեղեցիկ լեռնագագաթներից մեկը։
gegharottour

Արշավ դեպի Գեղարոտի ջրվեժ

 Հուլիսի 10-ին՝ շաբաթ օրը, կազմակերպում ենք արշավ դեպի Գեղամա լեռներում թաքնված վայրերից մեկը` Ակնա լիճ: Արշավի երկարությունը՝ մոտ 10 կմ: Սպասում ենք մեր բացահայտողներին:

Վերելք Կազբեկ լեռ 5047 մ

Արմլենդ զբոսաշրջային ակումբը կազմակերպում է վերելք դեպի Կազբեկ լեռ (5047 մ): Այն Կովկասյան լեռների տեխնիկապես ամենաբարդ լեռն է:
Սկսած`$390
0
Մանրամասն
azhdahaktour

Վերելք Աժդահակ լեռ 3597 մ

Այս կիրակի օրը միացեք մեր արշավին՝ վերելք Աժդահակ լեռ։ Գեղամա լեռների ամենաբարձր գագաթն է։
mountain Ararat

Վերելք Արարատ Լեռ 5165մ | 2021

Արմլենդ զբոսաշրջային ակումբը կազմակերպում է վերելք դեպի Արարատ լեռ (5165մ): Այն Հայկական լեռնաշխարհի ամենաբարձր գագաթն է:
Սկսած`$830
0
Մանրամասն

Կոնտակտներ


Тел. : +374 44 880 058 (Whatsapp, Viber, Telegram)

info@armland.am