Բարև Ձեզ: Ես Արտյոմն եմ: Մարդ, որն իր կյանքի մեծ մասը նվիրել է ճանապարհորդություններին, արշավներին և բացահայտումներին: Ավարտել եմ Հայ-ռուսական (Սլավոնական) համալսարանը 2011 թվին։ ArmLand-ի հիմնադիր տնօրենն եմ: 2014-ից ակումբն իր բուռն գործունեությունն է ծավալում լեռնագնացության ոլորտում ինչպես Հայաստանում, այնպես էլ երկրի սահմաններից դուրս։ Ակումբի ղեկավար լինելուց բացի, նաև ակումբի լեռնային գիդ-ուղեկցորդն եմ: Ունեմ 5000+ գրանցած վերելքներ, ինչպիսիք են՝ Արարատը, Էլբրուսը և Կազբեկը: Այս կայքը ներկայացնում է այն ամենը, ինչ կազմում է իմ առօրյան, կյանքը: Ես վստահ եմ, որ յուրաքանչյուր մարդ պետք է փնտրի նոր արկածներ, դուրս գա իր սովորական և առօրյա միջավայրից, կոտրի կաղապարները, որոնցում հայտնվել է ակամա, և բացահայտի իրական ինքնությունը: Ես դա արել եմ և անում եմ ճանապարհորդելով: Միացե՛ք մեր թիմին, և եկե՛ք բացահայտենք աշխարհը միասին:
Ողջու՜յն։ Ես Սիրանն եմ՝ ակումբի ուղեկցորդը և SMM մենեջերը։ Սովորում եմ Հայ-ռուսական (Սլավոնական) համալսարանի Տուրիզմի բաժնում։ Զբաղվում եմ վազքով, սիրում եմ լեռներ և բնություն։
Ողջո՜ւյն։ Ես Գոհարն եմ՝ ակումբի տուր-մենեջերը և SEO մասնագետը։ Ավարտել եմ Վ․ Բրյուսովի անվան ԵՊԼՀ համալսարանի Տուրիզմի բաժինը։ Լեռնագնացությունը՝ որպես արվեստ բացահայտեցի 2021թ․-ին։ Երբ բարձրացա առաջին լեռս, հասկացա՝ սա իմ ապրելակերպն է դառնալու։ Մարդիկ լեռներ են բարձրանում ամենատարբեր պատճառներով. Գեղեցիկ տեսարաններ, ադրենալին, բնություն, լուսանկարչություն, դե, իսկ ինձ նման մարդիկ էլ պարզապես լեռներում լինելու պատճառ են փնտրում։
Պաշտում եմ լեռներն ու իմ աշխատանքը․․․
Ողջույն, ես Գոռն եմ՝ ակումբի լեռնային ուղեկցորդը։ Մասնագիտությամբ գիդ-ուղեկցորդ եմ։ Թիմի անդամ եմ 2017թ․-ից։
