Արմլենդ արշավական ակումբը կազմակերպում է վերելք՝ Թուբկալ լեռ, Ատլասի լեռներ։
Թուբկալ կամ Ջեբել Թուբկալ լեռը Ատլասի լեռների, Հյուսիսային Աֆրիկայի և Մարոկոյի ամենաբարձր գագաթն է: Գտնվում է Մարոկկոյի հարավ-արևմտյան մասում, Մարաքեշից մոտ 60 կմ հարավ։ Նշանավոր գագաթ է և լեռնագնացների համար հայտնի վայր։
Չնայած Ատլասի լեռների հայտնիությանը՝ մարդկանց մեծամասնությունը Մարոկկոն կապում է անապատում ուղտերով զբոսանքի և անանուխի առատ թեյ վայելելու հետ: Թուբկալ լեռը ոչ այնքան հայտնի գագաթ է ոչ լեռնագնացների շրջանում, բայց համարվում է տպավորիչ 4167 մետր բարձրություն ունեցող լեռ՝ գյուղական Մարոկոյի անհավանական տեսարանով:
Ուղևորությունը ներառում է 8-օրյա շրջագայություն Մարոկկոյում, որի ընթացքում հնարավորություն կունենաք անցնել հրաշագեղ Ատլասի լեռներով՝ դեպի Հյուսիսային Աֆրիկայի ամենաբարձր գագաթ Թուբկալ լեռը(4167մ)։
Բարձր Ատլասի լեռնաշղթայից հետո բացվում է խորհրդավոր, սյուրռեալիստական և ցնցող տեսարան դեպի Հին Մարոկկոյի սիրտը` նախասահարա անապատը: Սահարայի տարածաշրջանն այն վայրերից է, որտեղ դուք կարող եք տեսնել ամենատարբեր և ամենագրավիչ լանդշաֆտները՝ Մարոկկոյում։
⇒ Վերելք Հյուսիսային Աֆրիկայի ամենաբարձր լեռը՝ Թուբկալ (4167մ)
⇒ Էքսկուրսիա՝ Մարաքեշում
⇒ Ատլասի լեռների Դադես և Տոդրա կիրճեր
⇒ Բերբերյան մշակույթ և արևելյան համեղ խոհանոց
⇒ Էքսկուրսիա՝ Էսսուեյրայում
⇒ Գիշերակաց անապատային ճամբարում՝ ուղտերով անկրկնելի զբոսանքով
Տեղափոխում Մարաքեշի կենտրոնում գտնվող հյուրանոց։
Զբոսանք և էքսկուրսիա անկրկնելի Մարաքեշում։
Գիշերակացը՝ Մարաքեշի հյուրաոցում
Առավոտյան նախաճաշից հետո հարմարավետ ավտոմեքենայով կտեղափոխվեք Իմլիլ։ Այստեղից էլ կսկսվի արշավը դեպի Ատլասյան անկրկնելի Թուբկալ լեռան գագաթ։
Բազային ճամբար տանոցղ երթուղին միջին բարդության է։
Գիշերակացը բազային ճամաբարում։
Արշավի երկարությունը՝ 10-12կմ,
Արշավի տևողությունը՝ 5-6 ժամ,
Հարաբերական բարձրությունը՝ 1000մ։
Վաղ առավոտյան կսկսեք վերելքը դեպի Հյուսիսային Աֆրիկայի ամենաբարձր գագաթ։
Արշավը սկսվում է դանդաղ քայլքով՝ զառիթափ լանջերով մինչև լուսաբաց, այնպես որ կունենաք հնարավորություն տեսնել չքնաղ արևածագը՝ գագաթների վրայով։
Վերադարձ Իմլիլ։
Գիշերակացը Իմլիլում։
Արշավի երկարությունը՝ 10-12 կմ,
Տևողությունը՝ 6 ժամ,
Հարաբերական բարձրությունը՝ 900մ։
Առավոտյան 9։00-ին կսկսեք ճանապարհորդությունը դեպի Դադեսի կիրճ՝ անցում կատարելով Ատլասի լեռների Թիզի-Ն-Թիշկա անկրկնելի լեռնանցքով։ Ճանապարհին կտեսնեք բազմաթից բերբերների գյուղեր, գետափնյա օազիսներ և քասբաներով (արաբերեն՝ ամրոցներ), ամայի սարալանջեր։
Այցելություն Atlas / Oarzazate Film Studios, որտեղ կարող եք ունենալ Մարոկկոյի ամենակոլորիտային լուսանկարները։
Հաջորդ կանգառը Այթ Բեն Հադդուն է, որտեղ նկարվել են մի շարք հոլիվուդյան ֆիլմեր, ինչպիսիք են «Մումիա»-ն, Գլադիատոր»-ը, «Ալեքսանդր»-ը։ Այստեղ հնարավորություն կունենաք զբոսնել լքված քաղաքում և բացահայտել այն։
Դադեսի կիրճ հասնելուց հետո դուք հնարավորություն ունեք գնալ զբոսանքի կամ հանգստանալ ձեր հյուրանոցում:
Գիշերակացը՝ Դադեսում
Մեքենայի ճանապարհը՝ մոտ 6 ժամ։
Նախաճաշից հետո կշարժվեք Դադեսի կիրճից դեպի Տոդրա կիրճ։ Այստեղ կզբոսնեք կանաչ արմավենիների օազիսում, որից հետո կգնաք անապատով ավելի խորը՝ դեպի Մերզուգա գյուղաքաղաք։ Այս յուրօրինակ անապատային բնակատեղին հայտնի զբոսաշրջային կենտրոն է, և բնականապար այստեղ էլ կհանդիպեք Ձեր ուղեկից կենդանուն՝ ուղտին։
Մայրամուտին ուղտով զբոսնելիս կհասնեք մինչև բերբերների ճամբար, որտեղ կվայելեք մարոկկոյի ավանդական ընթրիքը։
Գիշերակացը՝ անապատային ճամբարում։
Արևածագին մոտ 1,30 ժամ տևողությամբ զբոսանք կունենաք անապատում, որից հետո կվերադառնաք Մերզուգա։ Մերզուգայում նախաճաշից հետո հնարավորություն կունենաք լոգանք ընդունել, որից հետո կշարունակեք անմոռանալի ճանապարհն անապատով՝ մի քանի կանգառներով։
Այս օրվա վերջին կանգառը կլինի Մարաքեշը։
Ընթրիք և գիշերակաց՝ Մարաքեշում
Էսսուեյրա՝ նախկին Մոգադոր — նավահանգստային քաղաք Մարոկկոյում Ատլանտյան օվկիանոսի ափին Ագադիրից 170 կմ հյուսիս և Մարաքեշից 170 կմ արևմուտք։
Ճամապարհը կանցնի Հաուզի սարահարթով։ Հասնելով Չեչահուա գյուղին՝ կունենաք կանգառ։
Այստեղ հնարավորություն կունենաք այցելել տեղի կանանց համագործակցության կենտրոն, որտեղ կտեսնեք թե ինչպես է ստացվում արգանի յուղը (նաև կոչվում է հեղուկ ոսկի կամ Մարոկկոյի յուղ) և մի շարք խնամքի միջոցներ տեղում պատրաստվում։
Այնուհետև կշարժվեք դեպի Էսսուեյրա․ արվեստի տարբեր խանութներ, պատկերասրահներ, հուշանվերների խանութներ և փայտամշակման խանութներ։
Կընտրեք տեղական սրճարաններից մեկը՝ համեղ ծովամթերքով ճաշի համար, եթե լլողափի սիրահար եք՝ կարող եք զբոսնել Մոգադորի ավազե ափով։
Օրվա վերջին՝ վերադարձ Մարաքեշ։
Գիշերակացը՝ Մարաքեշում
Կախված թռիչքի ժամից՝ կարող եք զբոսնել Մարաքեշում, այցելել տեղի շուկան՝ գնումների համար, որից հետո կտեղափոխվեք օդանավակայան։
