ՎԵՐԵԼՔ ԹՈՒԲԿԱԼ ԼԵՌ

Արմլենդ արշավական ակումբը կազմակերպում է վերելք՝ Թուբկալ լեռ, Ատլասի լեռներ։

Թուբկալ կամ Ջեբել Թուբկալ լեռը Ատլասի լեռների, Հյուսիսային Աֆրիկայի և Մարոկոյի ամենաբարձր գագաթն է: Գտնվում է Մարոկկոյի հարավ-արևմտյան մասում, Մարաքեշից մոտ 60 կմ հարավ։ Նշանավոր գագաթ է և լեռնագնացների համար հայտնի վայր։

Չնայած Ատլասի լեռների հայտնիությանը՝ մարդկանց մեծամասնությունը Մարոկկոն կապում է անապատում ուղտերով զբոսանքի և անանուխի առատ թեյ վայելելու հետ: Թուբկալ լեռը ոչ այնքան հայտնի գագաթ է ոչ լեռնագնացների շրջանում, բայց համարվում է տպավորիչ 4167 մետր բարձրություն ունեցող լեռ՝ գյուղական Մարոկոյի անհավանական տեսարանով:

Ուղևորությունը ներառում է 8-օրյա շրջագայություն Մարոկկոյում, որի ընթացքում հնարավորություն կունենաք անցնել հրաշագեղ Ատլասի լեռներով՝ դեպի Հյուսիսային Աֆրիկայի ամենաբարձր գագաթ Թուբկալ լեռը(4167մ)։

Բարձր Ատլասի լեռնաշղթայից հետո բացվում է խորհրդավոր, սյուրռեալիստական ​​և ցնցող տեսարան դեպի Հին Մարոկկոյի սիրտը` նախասահարա անապատը: Սահարայի տարածաշրջանն այն վայրերից է, որտեղ դուք կարող եք տեսնել ամենատարբեր և ամենագրավիչ լանդշաֆտները՝ Մարոկկոյում։

⇒ Վերելք Հյուսիսային Աֆրիկայի ամենաբարձր լեռը՝ Թուբկալ (4167մ)

⇒  Էքսկուրսիա՝ Մարաքեշում

⇒  Ատլասի լեռների Դադես և Տոդրա կիրճեր

⇒  Բերբերյան մշակույթ և արևելյան համեղ խոհանոց

⇒  Էքսկուրսիա՝ Էսսուեյրայում

⇒  Գիշերակաց անապատային ճամբարում՝ ուղտերով անկրկնելի զբոսանքով

Տեղափոխում Մարաքեշի կենտրոնում գտնվող հյուրանոց։

Զբոսանք և էքսկուրսիա անկրկնելի Մարաքեշում։
Գիշերակացը՝ Մարաքեշի հյուրանեցում։

Առավոտյան նախաճաշից հետո հարմարավետ ավտոմեքենայով կտեղափոխվեք Իմլիլ։ Այստեղից էլ կսկսվի արշավը դեպի Ատլասյան անկրկնելի Թուբկալ լեռան գագաթ։

Բազային ճամբար տանոց երթուղին միջին բարդության է։

Գիշերակացը բազային ճամաբարում։

Արշավի երկարությունը՝ 10-12կմ,
Արշավի տևողությունը՝ 5-6 ժամ,
Հարաբերական բարձրությունը՝ 1000մ։

Վաղ առավոտյան կսկսեք վերելքը դեպի Հյուսիսային Աֆրիկայի ամենաբարձր գագաթ։

Արշավը սկսվում է դանդաղ քայլքով՝ զառիթափ լանջերով մինչև լուսաբաց, այնպես որ կունենաք հնարավորություն տեսնել չքնաղ արևածագը՝ գագաթների վրայով։

Վերադարձ Իմլիլ։

Գիշերակացը Իմլիլում։

Արշավի երկարությունը՝ 10-12 կմ,

Տևողությունը՝ 6 ժամ,
Հարաբերական բարձրությունը՝ 900մ։

Առավոտյան 9։00-ին Ձեզ կսկսեք ճանապարհորդությունը դեպի Դադեսի կիրճ՝ անցում կատարելով Ատլասի լեռների Թիզ Նթիշկա անկրկնելի լեռնանցքով։ Ճանապարհին կտեսնեք բազմաթից բերբերների գյուղեր և, քանի որ այլևս անապաըում եք, գետափնյա օազիսներ և քասբաներով (արաբերեն՝ ամրոցներ) ամայի սարալանջեր։

Կտեսնեք նաև Այթ Բեն Հադդուն (պատմական իղրեմ կամ քսար (ամրացված գյուղ) նախկին քարավանային ճանապարհի երկայնքով՝ Մարոկկոյում՝ Սահարայի և Մարաքեշի միջև)։ Այստեղ են նկարվել մի շարք հոլիվուդյան ֆիլմեր, ինչպիսիք են  «Մումիա»-ն, » Գլադիատոր»-ը, «Ալեքսանդր»-ը։

Դադեսի կիրճ հասնելուց հետո դուք հնարավորություն ունեք գնալ զբոսանքի կամ հանգստանալ ձեր հյուրանոցում:

Գիշերակացը՝ Դադեսում:

Մեքենայի ճանապարհը՝ մոտ 6 ժամ։

Նախաճաշից հետո կշարժվեք Դադեսի կիրճից դեպի Տոդրա կիրճ։ Այստեղ կզբոսնեք կանաչ արմավենիների օազիսում։

Ճաշից հետո կգնաք անապատով ավելի խորը՝ դեպի Մերզուգա գյուղաքաղաք, որտեղ էլ կհանդւպեք Ձեր ուղտին։ Մայրամուտին ուղտով զբոսնելիս կհասնեք մինչև բերբերների ճամբար, որտեղ կվայելեք ավանդական մարոկկոյի ձեր ընթրիքը։

Գիշերակացը՝ անապատային ճամբարում։

Արևածագին մոտ 1,30 ժամ տևողությամբ ուղտերթվ զբոսանք կունենաք անապատում, որից հետո կվերադառնաք Մերզուգա։ Մերզուգայում նախաճածից հետո հնարավորություն կունենաք լոգանք ընդունել, որից հետո կշարունակեք անմոռանալի ճանապարհն անապատով։ Ձեր հաջորդ կանգառը կլինի Մարաքեշը։

Ընթրիք և գիշերակաց՝ Մարաքեշում։

Էսսուեյրա՝ նախկին Մոգադոր — նավահանգստային քաղաք Մարոկկոյում Ատլանտյան օվկիանոսի ափին Ագադիրից 170 կմ հյուսիս և Մարաքեշից 170 կմ արևմուտք։

Ճամապարհ կանցնի Հաուզի սարահարթով։ Հասնելով Չեչահուա գյուղին՝ կունենաք կանգառ։

Այստեղ հնարավորություն կունենաք այցելել տեղի կանանց համագործակցության կենտրոն, որտեղ կտեսնեք թե ինչպես է արգանի յուղը (նաև կոչվում է հեղուկ ոսկի կամ

Մարոկկոյի յուղ) քամվում և մի շարք խնամքի միջոցներ տեղում պատրաստվում։

Այնուհետև կշարժվեք դեպի Էսսուեյրա։ Արվեստի տարբեր խանութներ, պատկերասրահներ, հուշանվերների խանութներ և փայտամշակման խանութներ։

Ընտրեք տեղական սրճարաններից մեկը՝ համեղ ծովամթերքով ճաշի համար, եթե լլողափի սիրահար եք՝ կարող եք զբոսնել Մոգադորի ավազե ափով։

Օրվա վերջին՝ վերադարձ Մարաքեշ։

Գիշերակացը՝ Մարաքեշում։

Կախված թռիչքի ժամից՝ կարող եք զբոսնել Մարաքեշում, այցելել տեղի շուկան՝ գնումների համար, որից հետո կտեղափոխվեք օդանավակայան։