Արմլենդ զբոսաշրջային ակումբը կազմակերպում է վերելք Եվրոպա աշխարհամասի ամենաբարձր գագաթ՝ Էլբրուս լեռ (5642մ):

Լեռան ալպինիստական բարդությունը՝ 1B
Վերելքի մասնակցության համար լեռնագնացության փորձը ՊԱՐՏԱԴԻՐ Է։

Խումբը Երևանից կմեկնի հայ-վրացական սահման, այնուհետև անցնելով Լարսի անցակետը մուտք կգործի ՌԴ և կուղևորվի դեպի Կաբարդինո Բալկարիայի հանրապետության՝ Տերսկոլ գյուղաքաղաք: Այնտեղ կգիշերենք հյուրանոցում:
Ընդհանուր առմամբ ճանապարհի անցման տևողությունը կազմում է 13-14 ժամ:

Առավոտյան խումբը կմեկնի դեպի Ազաուի ճոպանուղու կայան: Այստեղ կհանձնենք ծանր ուսապարկերը, որոնք կտեղափոխվեն ձնագանաց մեքենաներով (Ратрак)։  Խումբը ճոպանուղիով կբարձրանա մինչև 4000մ.-ի վրա գտնվող կայան, որտեղից էլ կսկսենք քայլել դեպի 4100մ․-ի “Приют 11” կայան:
Գիշերակացը “Приют 11” կայանում։

Նախաճաշից հետո խումբը կանցնի կլիմայավարժեցում, որի ժամանակ մասնակիցները կբարձրանան մինչև 4800մ.- ի վրա գտնվող Պաստուխովի ժայռ և կվերադառնան կայան՝ գիշերելու:

Գիշերը ՝ ժամը 12:00-1:00 մասնակիցները կսկսեն վերելքը դեպի Էլբրուս լեռան գագաթ (5642մ): Վերելքը կտևի մոտ 12-13 ժամ: Գագաթ հասնելուց հետո կիջնենք “Приют 11” կայան։
Գիշերակացը՝ “Приют 11” կայանում։

Վաղ առավոտյան կիջնենք Ազաու գյուղ , լոգանք կընդունենք և կուղևորվենք դեպի Վրաստան՝ Սփեպանծմինդա և կգիշերենք հյուրատանը:
Գիշերակացը՝ Ստեփանծմինդայում հատուկ է նախատեսված, որպեսզի խմբի անդամները երկար ճանապարհից հետո հնարավորություն ունենան հանգստանալ, ապա շարունակել ճանապարհը դեպի Երևան:

Թբիլիսիում վրացական համեղ ճաշից հետո ճանամարհ կընկնենք դեպի Երևան։

Կարևոր՝

Խումբը կուղեկցի՝ Արտյոմ Մարտիրոսյանը և տեղացի ուղեկցորդները

• Մասնակիցները վերելքից առաջ կունենան փորձնական վերելք Արագած լեռան Արևմտյան գագաթ, որից հետո բավարար պատրաստվածություն ունեցող մասնակիցները կուղևորվեն դեպի Էլբրուս լեռ:
• Վերելքից առաջ «Ալպինիզմի և լեռնային տուրիզմի» ֆեդերացիայում մասնակիցները կհանդիպեն փորձառու լեռնագնացների հետ, որի ժամանակ կանցկացվի լեռնային պատրաստվածության դասընթաց: 
• Լեռնային գույք ձեռք բերելու հարցում, «Արմլենդ» ակումբի հետ համագործակցող խանութներում կգործեն զեղչեր հատուկ մասնակիցների համար:
• Վերելքից հետո բոլոր մասնակիցներին կհանձնվեն սերտիֆիկատներ Ալպինիզմի Հայկական Ֆեդերացիայի և Արմլենդ արշավական ակումբի կողմից՝ Էլբրուս լեռը բարձրանալու կապակցությամբ։