Վաղ առավոտյան Երևանից կուղևորվենք դեպի հայ-վրացական սահման: Այնուհետև Թբիլիսի քաղաքի միջով կուղևորվենք դեպի Ստեփանծմինդա (Կազբեկի) գյուղ` 1750մ:
Գիշերակացը՝ հյուրատանը:

Վաղ առավոտյան ամենագնաց մեքենայով կբարձրանանք դեպի Գերգեթի Ցմինդա Սամեբա եկեղեցի, այնտեղից կսկսենք մեր վերելքը՝ Կովկասյան լեռների գեղեցիկ տեսարանով՝ դեպի Մետեոկայան (3750մ)։

Վերելքի տևողությունը` 6-7 ժամ:

Գիշերակացը` Մետեոկայանի կացարանում:

Կիրականացնենք կլիմայավարժական (акклиматизация) վերելք` 4200մ բարձրություն: Այնուհետև, վերադարձ մետեոկայանի կացարան (3750մ)՝ գիշերակացի։

Գիշերը 2:00-3:00-ին 3750մ բարձրությունից կսկսենք մեր վերելքը դեպի Կազբեկ լեռան գագաթ (5033մ): Վերելքը կտևի մոտ 11-12 ժամ: Գագաթից հետո կիջնենք մետեոկայան և կգիշերենք այնտեղ:

Վաղ առավոտյան մետեոկայանից կսկսենք իջնել դեպի Ստեփանծմինդա, որից հետո կուղևորվենք Երևան։

Խմբում մասնակիցների առավելագույն քանակը՝ 6 հոգի (ներառյալ 2 ուղեկցորդները)

Կարևոր՝

• Խումբը կուղեկցի՝ Գոհար Սարգսյանը

• Մասնակիցները վերելքից առաջ կունենան փորձնական վերելք դեպի Արագածի հարավային գագաթը, որից հետո բավարար պատրաստվածություն ունեցող մասնակիցները կուղևորվեն դեպի Կազբեկ լեռ: (Արագածի վերելքի արժեքը ներառված չէ Կազբեկի վերելքի արժեքի մեջ)

• Վերելքից առաջ՝ Ալպինիզմի և լեռնային տուրիզմի հայկական ֆեդերացիայում, մասնակիցները կհանդիպեն փորձառու լեռնագնացների հետ, որի ժամանակ կանցկացվի լեռնային պատրաստվածության դասընթաց:

• Վերելքից հետո բոլոր մասնակիցները կստանան սերտիֆիկատներ՝ Կազբեկ լեռը բարձրանալու կապակցությամբ։