Վերջին տարիներին Հայաստանում սկսել են արահետներ կառուցել նաև հեծանվային արշավների համար։ Սա երկարատև գործընթաց է, քանի որ այս ենթակառուցվածքը շատ թույլ է զարգացած։ Արահետներ կառուցելու համար պահանջվում է մեծ գումար և ֆիզիկական աշխատանք։ Այնուամենայնիվ, Հայաստանում արդեն ստեղծվել են հեծանվային արշավների համար նախատեսված մի քանի արահետներ, որոնք համապատասխանում են միջազգային չափանիշներին և ունեն անհրաժեշտ տեղեկատվական նշաններ:
Նման արահետներ կան Լոռու և Վայոց Ձորի մարզերում։ Հեծանվային արշավների առավելությունն այն է, որ մարդիկ ծախսում են նույնքան էներգիա, որքան արշավների ժամանակ, բայց նույն ժամանակահատվածում նրանք կարող են ավելի երկար տարածություններ անցնել և ժամանակ ունենալ ավելի շատ վայրեր տեսնելու համար:
