ՄԵՐ ՄԱՍԻՆ
Բարի գալուստ
Մեր Մասին
Արմլենդ արշավական ակումբը հիմնադրվել է 2014 թվականին՝ Արտյոմ Մարտիրոսյանի կողմից: Ակումբը հանդիսանում է Ալպինիզմի և լեռնային տուրիզմի հայկական ֆեդերացիայի պաշտոնական գործընկերը, ինչպես նաև Տուրիզմի ֆեդերացիայի, Լեռնային ուղեկցորդների հայկական ասոցացիայի և ՀՌՀ(Հայ-ռուսական համալսարան) տուրիզմի ամբիոնի անդամ: Հիմնադրման օրվանից ի վեր Արմլենդ արշավական ակումբը կազմակերպել է ավելի քան 3000 արշավներ և լեռնային վերելքներ Հայաստանում և Հայաստանի սահմաններից դուրս: Հատկապես հատկանշական են բարձր լեռնային վերելքները, ինչպիսիք են՝ Արարատը, Կազբեկը, Էլբրուսը, Դեմավենդը, Կիլիմանջարոն։ Այս տարիների ընթացքում ակումբը արդեն իսկ հայտնի երթուղիներով արշավներ կազմակերպելուց բացի, իրականացրել է նաև բազմաթիվ էկսպեդիցիոն արշավներ, որոնց շնորհիվ բացահայտվել են նոր երթուղիներ: Նշենք նաև, որ ակումբի մշակած բոլոր երթուղիները տարբեր հարթակներում հասանելի են բոլորի համար:
Մենք հատուկ ուշադրություն ենք դարձնում էկո և էքստրեմալ տուրիզմին։ Ակումբի առաջնային սկզբունքներից է մասնակիցների անվտանգության ապահովումը։ Արշավները ուղեկցում են բարձր պատրաստվածութուն և փորձառություն ունեցող լեռնային ուղեկցորդներ՝ Արտյոմ Մարտիրոսյանի գլխավորությամբ: Ակումբը 2025 թվականից սկսած անցկացնում է լեռնային ուղեկցորդների վերապատրաստման դասընթացներ, որի նպատակն է նպաստել ոլորտում փորձառու լեռնային ուղեկցորդների թվի ավելացմանը: Արմլենդ արշավական ակումը նաև պարբերաբար տարբեր կրթական հաստատություներում իրականացնում է դասախոսություներ, երիտասարդների շրջանում լեռնային տուրիզմի հանդեպ հետաքրքրությունը մեծացնելու նպատակով:
Մեր նպատակը
Հայաստանն առաջարկում է շատ ավելին, քան ցույց են տալիս հիմնական լրատվամիջոցները, և մեր նպատակն է ձեզ ուղեկցել ոչ ստանդարտ վայրեր, կիսվել մեր գեղեցիկ երկրի հարստությամբ։ Մենք հատուկ ուշադրություն ենք դարձնում էկո և էքստրեմալ տուրիզմին։ ArmLand-ը ողջունում է բոլոր նրանց, ովքեր սիրում են ճանապարհորդել, սիրում են արկածներ և ցանկանում են կապ հաստատել բնության հետ։
ՊԱՇՏՊԱՆՎԱԾ ԲՆՈՒԹՅՈՒՆ
Ներկայացնում ենք «ArmLand Protected Nature» նախագիծը՝ նոր հետաքրքիր նախաձեռնություն, որն իրենից ներկայացնում է արշավների կազմակերպում Հայաստանի արգելոցներում, արգելավայրերում և ազգային պարկերում։ Նախագիծը նպատակ է հետապնդում բացահայտելու և մարդկանց ավելի լայն շրջանակներին ներկայացնելու Հայաստանի բնությունն ու կենդանական աշխարհը։ ՀՀ պահպանվող հատուկ տարածքները եզակի են իրենց հարուստ կենսաբազմազանությամբ և էկոհամակարգերով։ Որպես օրինակ բերենք Արփի լճի ազգային պարկը, որտեղ գտնվում է հայկական որորի(նույն ինքը чайка) ամենամեծ գաղութն աշխարհում և գանգրափետուր հավալուսնի(նույն ինքը пеликан) միակ բնակավայրը Հայաստանում:
Մեր երկիրը իսկական դրախտավայր է, հարուստ բնական և պատմամշակութային մեծ ժառանգությամբ և մենք, մեր բոլոր միջոցներն ու տարիների փորձը ներդնելով, փորձում ենք հավուր պատշաճի ներկայացնել այն մարդկանց։
Հետևեք մեզ՝ անհավանական բացահայտումների համար:
ԱՆՎԱՆՈՒՄՆ ՈՒ ԼՈԳՈՆ
Լոգոյի վրա պատկերված են Հայաստանի երեք սիմվոլները․ Հայկական Լեռնաշխարհը, արծիվը և արևը։
Լոգոյի հիմքում արծիվն է (կամ՝ արծվի պատկերն է), որն արևածագի ժամանակ թռչում է լեռներն ի վեր՝ խորհրդանշելով ազատությունը, երբ հասնում ես լեռան գագաթին:
ՄԵՐ ԹԻՄԸ
ԱՐՏՅՈՄ ՄԱՐՏԻՐՈՍՅԱՆ
Հիմնադիր-Լեռնային Ուղեկցորդ
Բարև Ձեզ: Ես Արտյոմն եմ: Մարդ, որն իր կյանքի մեծ մասը նվիրել է ճանապարհորդություններին, արշավներին...
ՍՈՆԱ ԿՅՈՒՐԵՂՅԱՆ
Լեռնային ուղեկցորդ
Ողջու՜յն, ես Սոնան եմ, ԱրմԼենդ թիմի ուղեկցորդը։ Ավարտել եմ ԵԹԿՊԻ-ն՝ դերասանուհու մասնագիտությամբ, և ԵԳՊԱ-ն՝ արվեստաբանության...
ՀՈՎՀԱՆՆԵՍ ԱՍՈՅԱՆ
Լեռնային ուղեկցորդ
Բարեւ Ձեզ։ Ես Հովհաննեսն եմ, լեռների մեծ սիրահար: Արմլենդ թիմի լեռնային գիդերից եմ։ Բարձր լեռներն...
ՄԱՅԱ ԽԱՉԱՏՐՅԱՆ
Լեռնային ուղեկցորդ
Ողջու՜յն, ես Մայան եմ՝ ԱրմԼենդ արշավային ակումբի ուղեկցորդը։ Ավարտել եմ ԵՀՊԲՔ-ն՝ բուժքրոջ մասնագիտությամբ, և սովորել...
ՏԻԳՐԱՆ ՍԻՄՈՆՅԱՆ
Լեռնային և դահուկային ուղեկցորդ
Ողջու՜յն։ Ես Տիգրանն եմ, Արմլենդ թիմի լեռնային և դահուկային գիդը: Երեք հրաշքների հպարտ հայր եմ։...
ՍԻՐԱՆ ԹՈՐՈՍՅԱՆ
Բովանդակության հեղինակ
Ողջու՜յն։ Ես Սիրանն եմ՝ ակումբի լեռնային գիդը և բովանդակության հեղինակը (content writer)։ Ավարտել եմ Հայ-ռուսական...
ԴԵՆԻՍ ԱՀԱՐՈՆՅԱՆ
Լեռնային ուղեկցորդ
Ողջույն, ես Դենիսն եմ։ ԱրմԼենդ արշավային ակումբի լեռնային ուղեկցորդը։ Սովորում եմ Հայ-ռուսական (Սլավոնական) համալսարանում, նաև...
Գործընկերներ
