Այս անգամ կխոսենք արշավական հանդերձանքի ևս մեկ շատ կարևոր տարրի ՝ լապտերի մասին: Կարևոր չէ, թե արդյոք դուք գնացել եք կարճ մեկօրյա արշավի, որը հնարավոր է մթով ավարտվի, կամ բազմօրյա արշավի, գլխի լապտերի բացակայությունը կարող է վատ հետևանքներ ունենալ:Կախված իրադարձության բարդությունից և առանձնահատկություններից՝ “վատը” կարող է նշանակել ինչպես սովորական անհանգստություն, այնպես էլ վտանգ և, նույնիսկ, սպառնալիք կյանքի և առողջության համար:
Բարձր լեռնային արշավների համար
Լեռնային արշավին մասնակցող յուրաքանչյուր զբոսաշրջիկ ունի բարձր տեխնիկական պարամետրերով և ամրության բարձր աստիճանով գլխի լապտեր։ Այսպիսով, զբոսաշրջիկը անմիջապես կնկատի սառցաճեղքերը, փոսերը, վտանագավոր այլ հատվածները և կկարողանա ժամանակին միջոցներ ձեռնարկել անհատական և խմբային անվտանգությունը բարձրացնելու համար:
Թեթև քայլարշավների համար
Հեշտ արշավները չեն պահանջում բարդ սարքավորումներ: Նման պայմաններում սարքն օգտագործվում է էպիզոդիկ կերպով, հետևաբար այն կարող է չունենալ զգալի ուժ և ընդլայնված ֆունկցիոնալություն ։
Ձեռքի թե՞ գլխի լապտեր
Փորձառու արշավակաների մեծ մասը վաղուց լուծել է այս երկընտրանքը ընտրելով գլխի լապտերը: Ժամանակին Պետցլ ազգանունով ֆրանսիացի սպելեոլոգը հասկացել է, թե որքան հարմար է ազատ ձեռքեր ունենալը և մտածել է սկսել գլխի լապտերների սերիական արտադրություն ։ Ազատ ձեռքերը ոչ միայն հարմար են, այլև շատ ավելի անվտանգ:
Գլխի լապտերի առավելությունները
Սարքը լուսավորում է ցանկալի ուղղությունը: Սարքի գլխի վրա գտնվելու պատճառով նրա ճառագայթը միշտ ընկնում է օգտագործողի հայացքի ուղղությամբ:
Ազատ ձեռքեր: Լապտերը կրելու համար ձեռքեր օգտագործելու անհրաժեշտություն չկա, ինչը թույլ է տալիս դրանք օգտագործել ցանկացած աշխատանքի համար։
Կոմպակտ չափերը զուգորդվում են ցածր քաշով: Գլխի ժապավենը չի ծանրաբեռնում պարանոցի մկանները, և դրա կոմպակտ չափերը ապահովում են լապտերի հարմարավետ տեղափոխումը:
Բարձր դիմադրողականություն և խոնավադիմացկունություն: Գլխի լապտերների գրեթե բոլոր մոդելները դիմացկուն են խոնավության նկատմամբ և ունեն անվտանգության բավարար սահման, այնպես որ նրանք կարող են հաջողությամբ դիմակայել ցածր բարձրությունից ընկնելու ազդեցությանը:
Ցուրտը եվ նրա ազդեցությունը գլխի լապարի վրա
Սառը ժամանակ մարտկոցների մեծ մասը զգալիորեն կորցնում են իրենց հզորությունը: Սա պետք է հաշվի առնել։ Եթե դուք երկար ժամանակ օգտագործեք ձեր լապտերը ցրտին, ապա պետք է պատրաստ լինեք որոշ քայլեր ձեռնարկել: Ի՞նչ կարելի է անել:
- Հնարավորինս մեկուսացրեք մարտկոցները ցրտից: Եթե պայմանները թույլ են տալիս, պահեք լապտերը ձեր ձեռքում, կարող եք մարտկոցի խցիկը փաթաթել պահեստային գլխարկով, ձեռնոցով կամ այլ բանով, եթե դիզայնը դա թույլ է տալիս:
- Եթե լապտերը ամրացված է ձեր ճակատին, ապա լապտերը դրեք անմիջապես ձեր գլխին, գլխարկը քաշեք վերևից, որպեսզի այն ծածկի լապտերը վերևից և կողքերից:
- Այնուամենայնիվ, եթե ձմեռային օգտագործումը ձեզ համար նորմալ է, ձեռք բերեք լապտեր առանձին մարտկոցով: Այն ավելի հեշտ է պաշտպանել ցրտից, թեև նման լապտերները ավելի ծավալուն են։ Բայց նրանք, որպես կանոն, ավելի հզոր են։
- Սառը պայմաններում աշխատելու իդեալական տարբերակներ են երկար հեռահաղորդակցման լարով սնուցմամբ աշխատող գլխի լապտերները: Դուք կարող եք պարզապես թաքցնել այն ձեր հագուստի տակ: Բացի այդ, ձեր գլուխը կազատվի ավելորդ քաշից։
Ինչի՞ն ուշադրություն դարձնել գլխի լապտեր ընտրելիս
- Քաշ: Որքան քիչ, այնքան լավ: Կոմպակտ լապտերներում մարտկոցներն ու ռեֆլեկտորը տեղադրված են մեկ պատյանում, այն հարմար և կոմպակտ է, 100 գրամից ավել քաշ ունեցող լապտերներում, մարտկոցները սովորաբար տեղափոխվում են գլխի հետևի առանձին խցիկում, ինչը լապտերը դարձնում է ավելի ծավալուն և երբեմն ավելի քիչ հարմարավետ:
- Աշխատելու ժամանակը: Ժամանակը, թե ինչքան լապտերը կաշխատի մթության մեջ, նշվում է արտադրողի կողմից փաթեթավորման վրա: Սովորաբար նշվում է գլխի լապտերի շահագործման տևողությունը տնտեսող ռեժիմում: Եթե լապտերը աշխատում է առավելագույն հզորությամբ, ապա դրա գործարկման ժամանակը զգալիորեն ավելի կարճ է:
- Լուսավորության տիրույթ: Գրեթե բոլոր դեպքերում դուք պետք է ընտրեք լապտեր, որը ոչ միայն երկար ժամանակ կլուսավորի, այլև կունենա լուսավորության տիրույթի լավ պարամետրեր, ինչպես նաև լուսավորության մի քանի ռեժիմ: Մոտ, հեռու և խառը ռեժիմների առկայությունը սարքը դարձնում է հնարավորինս բազմակողմանի:
- Էլեկտրաէներգիայի աղբյուր- մեկանգամյա մարտկոցներ կամ վերալիցքավորվող մարտկոցներ: Մեկանգամյա մարտկոցով աշխատող լապտերները պահանջում են էներգիայի աղբյուրների կանոնավոր փոխարինում: Ավելի հարմար են վերալիցքավորվող մոդելները՝ աշխատելը շարունակելու համար նման էներգիայի աղբյուրը միայն պետք է լիցքավորվի։ Լավագույն ընտրությունը հիբրիդային տարբերակն է, որը միավորում է վերալիցքավորվող մարտկոցը և մեկանգամյա մարտկոցները:
- Բարձր դիմադրողականություն -երկարացնում է լապտերի ծառայության ժամկետը, թույլ է տալիս շահագործել բարդ պայմաններում:
- Պատրաստման նյութը: Լապտերի պատրաստման հիմնական նյութը հաճախ պլաստիկն է։ Նրանք ավելի թեթև և էժան են, քան իրենց մետաղական գործընկերները, սակայն վերջիններս ավելի դիմացկուն են հարվածներին: Մետաղական տարբերակներից ալյումինե լապտերները ավելի քիչ քաշ ունեն, բայց դրանք ավելի հուսալի և դիմացկուն են, քան պլաստիկ տարբերակները:
