Առաջին օրը մեր ճանապարհը կանցնի Հայաստան — Վրաստան -Թուրքիա ճանպարհներով: Ճանապարհին կանգառ կունենք Կարսում և կճաշենք։ Այստեղ ճաշից հետո հնարավորություն կունենաք այցելել Կարսի բերդը և Սբ․ Առաքելոց եկեղեցին։ Կարսում շրջելուց հետո կուղևորվենք Բայազեթ։

Գիշերակացը՝ Բայազեթի հյուրանոցում:

Օր 2. Արարատ․ Բազային ճամբար (3200մ)

Խումբը Բայազեթից լեռնային մեքենաներով կբարձրանա մինչև 2200 մ բարձրության վրա գտնվող կետը, որտեղից էլ կսկսվի արշավը դեպի Արարատի բազային ճամբար:
4-5 ժամ քայլելուց հետո մասնակիցները կհասնեն 3200 մ բարձրության վրա տեղակայված բազային ճամբարը։

Գիշերակացը՝ վրաններում

Օր 3․ Արարատ․ Երկրորդ ճամբար (4100մ)

Առավոտյան խումբը կբարձրանա դեպի 4100 մ բարձրության վրա գտնվող երկրորդ ճամբար, որտեղ մասնակիցները, հանգստանալով, կպատրաստվեն հաջորդ օրվա վերելքին:

Գիշերակացը՝ երկրորդ ճամբարում

Օր 4․ Արարատ․ Վերելք դեպի գագաթ 5137մ

Գիշերը՝ ժամը 1:00-2:00 կսկսվի վերելքը դեպի Արարատի գագաթը: Երբ հասնենք գագաթ, լուսանկարվելուց և վերելքը նշելուց հետո կիջնենք 4100 մ բարձրության վրա գտնվող ճամբարը և կունենանք հանգստի ժամ։ Այնուհետև կիջնենք 3200 մ վրա տեղակայված բազային ճամբարը և մեքենաներով կտեղափոխվենք դեպի Բայազեթի հյուրանոց, և մասնակիցներին կտրվի հանգստի ժամ, այդ օրը երեկոյան կնշենք վերելքը:

Գիշերակացը՝ վրաններում

Օր 6․ Բայազեթ — Անի — Երևան

Վերադարձ՝ Երևան։ Առավոտյան նախաճաշից հետո ճանապարհ կընկնենք դեպի Երևան։ Ճանապարհին մասնակիցները հնարավորություն կունենան այցելել նաև հազար ու մի եկեղեցիների քաղաք Անի։