ՎԵՐԵԼՔ ԷԼԲՐՈՒՍ 2026

Արմլենդ զբոսաշրջային ակումբը կազմակերպում է վերելք Եվրոպա աշխարհամասի ամենաբարձր գագաթ՝ Էլբրուս լեռ (5642մ):

Լեռան ալպինիստական բարդությունը՝ 1B
Վերելքի մասնակցության համար լեռնագնացության փորձը ՊԱՐՏԱԴԻՐ Է։

Երթուղի

Օր 1․ Երևան — Վրաստան — Տերսկոլ

Խումբը Երևանից կմեկնի հայ-վրացական սահման, այնուհետև անցնելով Լարսի անցակետը մուտք կգործի ՌԴ և կուղևորվի դեպի Կաբարդինո Բալկարիայի հանրապետության՝ Տերսկոլ գյուղաքաղաք: Այնտեղ կգիշերենք հյուրանոցում:
Ընդհանուր առմամբ ճանապարհի անցման տևողությունը կազմում է 13-14 ժամ:

Օր 2․ Էլբրուս․ Ազաու կայան

Առավոտյան խումբը կմեկնի դեպի Ազաուի ճոպանուղու կայան: Այստեղ կհանձնենք ծանր ուսապարկերը, որոնք կտեղափոխվեն ձնագանաց մեքենաներով (Ратрак)։  Խումբը ճոպանուղիով կբարձրանա մինչև 4000մ բարձրություն, որտեղից էլ կսկսենք քայլել դեպի 4100մ․-ի “Приют 11” կայան:

Գիշերակացը “Приют 11” կայանում։

Օր 3․ Էլբրուս․ Պաստուխովի ժայռ

Նախաճաշից հետո խումբը կանցնի կլիմայավարժեցում, որի ժամանակ մասնակիցները կբարձրանան մինչև 4800մ.- ի վրա գտնվող Պաստուխովի ժայռ և կվերադառնան կայան՝ գիշերելու:

Օր 4․ Վերելք Էլբրուս լեռ․ Գագաթ

Գիշերը ՝ ժամը 12:00-1:00 մասնակիցները կսկսեն վերելքը դեպի Էլբրուս լեռան գագաթ (5642մ): Վերելքը կտևի մոտ 12-13 ժամ: Գագաթ հասնելուց հետո կիջնենք “Приют 11” կայան։

Գիշերակացը՝ “Приют 11” կայանում

Օր 5․ Ազաու — Ստեփանծմինդա

Վաղ առավոտյան կիջնենք Ազաու գյուղ , լոգանք կընդունենք և կուղևորվենք դեպի Վրաստան՝ Սփեպանծմինդա և կգիշերենք հյուրատանը:
Գիշերակացը՝ Ստեփանծմինդայում հատուկ է նախատեսված, որպեսզի խմբի անդամները երկար ճանապարհից հետո հնարավորություն ունենան հանգստանալ, ապա շարունակել ճանապարհը դեպի Երևան:

Օր 6․ Վերադարձ Երևան

Թբիլիսիում վրացական համեղ ճաշից հետո ճանապարհ կընկնենք դեպի Երևան։

Օր 7. Պահեստային օր

Կախված եղանակային պայամաններից՝ հնարավոր է անցկացնել ևս մեկ պահեստային օր լեռան վրա, որի համար յուրաքանչյուր մասկանցից հավելավճար կպահանջվի (մոտ 2000-2500₽)

Հանդերձանք

• Պրոֆեսիոնալ լեռնային համազգեստ
• Թերմո հագուստ
• 2 ուսապարկ 60-70լ. և 20-35լ.
• Քնապարկ (-5 -10 C)
• Զանգապաններ
• Ձմեռային և ամառային գլխարկ
• լեռնային արևային ակնոց
• գլխի լապտեր
• զսպանակակեռիկներ 2 հատ (карабин)
• Անվտանգության գոտի
• Լեռնային պրոֆեսիոնալ կոշիկներ
• Տաք փոխնորդ հագուստ
• Անձրևապաշտպան բաճկոն
• Քայլարշավային ձեռնափայտեր
• ձեռնոցներ 2 տեսակի (տաքացնող ֆլիսե և քամուց պաշտպանող)
• Դեղատուփ
• Արևապաշտպան քսուք
• Սառցահատ
• Կատվիկներ