Տևողությունը։ 10 օր / 9 գիշեր
20․10-31․10․2026
Երևան — Պերու, Մաչու Պիկչու
ԻՆԿԵՐԻ ԱՐԱՀԵՏՆԵՐՈՎ
ՄԱՉՈՒ ՊԻԿՉՈՒ, ԿՈՒՍԿՈ
Տարածաշրջանի վարչական կենտրոնը Կուսկո քաղաքն է՝ Ինկերի կայսրության նախկին մայրաքաղաքը և Պերուի ամենակարևոր զբոսաշրջային գրավչությունը։ Կուսկոն առանց չափազանց համեստության կարելի է անվանել Պերուի ամենահայտնի զբոսաշրջային շրջանը, քանի որ այստեղ են գտնվում երկրի երկու գլխավոր սրբավայրերը՝ Ինկերի կայսրության հնագույն մայրաքաղաքը, Կուսկո քաղաքը և աշխարհահռչակ բերդաքաղաք Մաչու Պիկչուն:
Այս ճամփորդության ընթացքում կբացահայտենք Կուսկոն, ինկերի արահետները, Մաչու Պիկչուն, Ծիածան լեռը, ինչպես նաև Պերուի մայրաքաղաք Լիման։
ՕՐ 1. ԺԱՄԱՆՈՒՄ ՊԵՐՈՒ, ԼԻՄԱ
Ժամանում Պերուի մայրաքաղաք՝ Լիմա։
Դիմավորում և տեղափոխում հյուրանոց։
ՅՈՒՆԵՍԿՕ-ն Լիման հռչակել է «Թագավորների քաղաք» և համաշխարհային ժառանգության օբյեկտ:
Կեսօրից հետո կունենանք սիթի տուր՝ Լիմայում․
Հուակա Պուկլանա (հողաշեն և կավաշեն բուրգ, հնագիտական վայր Լիմայի կենտրենում)
Լիմայի պատմական կենտրոն և գաղութային ճարտարապետություն (գլխավոր հրապարակ, կառավարության պալատ, արքեպիսկոպոսական գրասենյակներ և տաճար)
Սան Ֆրանցիսկո
Գիշերակացը՝ Iberostar Selection Miraflores 5*
ՕՐ 2․ ԺԱՄԱՆՈՒՄ ԿՈՒՍԿՈ
Ժամանաում Կուսկո։
Դիմավորում և տեղափոխում հյուրանոց։
Հյուրանոցը գտնվում է կենտրոնում՝ Պլազա դե Արմասից մի քանի րոպե հեռավորության վրա, որը գեղեցիկ և աշխույժ թաղամասի կենտրոնում է:
Այս օրը նախատեսված է կլիմայավարժեցման համար, քանի որ Կուսկո քաղաքը գտնվում է ծովի մակարդակից 3400մ բարձրության վրա։
Գիշերակացը՝ Palacio del Inka, a Luxury Collection Hotel by Marriott 5*
ՕՐ 3․ՍՐԲԱԶԱՆ ՀՈՎԻՏ – ՊԻՍԱՔ- ՕԼՅԱՆՏԱՅՏԱՄԲՈ – ՄՈՐԵՅ ԵՎ ՄԱՐԱՍ
Առավոտյան կուղևորվենք դեպի Ավանա Կանչա, որտեղ հնարավորություն կունենանք հանդիպելու Անդյան ուղտերի տեսակներին, ինչպիսիք են ալպական, լամանն, վիկունիան և գուանակոն, ինչպես նաև տեսնել և գնահատել անդյան ձեռագործ գործվածքների արվեստը՝ տեղացի կանանց կողմից։
Այնուհետև կուղևորվենք դեպի ինկերի ինժեներական տեխնիկայով Պիսաք քաղաք՝ սարալանջերով լի տեռասներով և շինություններով՝ զառիթափ բլուրների և բարձր գագաթների վրա։
Դրանից հետո կիջնենք Սրբազան հովտի հիմքը, այնուհետև դեպի Օլլանտայտամբո, որը առանձնանում է գյուղի կենտրոնից տանող տեռասների տպավորիչ շարքով:
Վերջապես կհասնենք Մորեյի տեռասների զարմանահրաշ ցուցադրությանը: Մորեյը առանձնանում է ամֆիթատրոնի նման երեք տեռասներով, որոնք ստեղծվել են ինկերի կողմից:
Այցելություն Մառասի աղի հանքեր։
Վերադարձ հյուրանոց։
Գիշերակացը՝ Palacio del Inka, a Luxury Collection Hotel by Marriott 5*
ՕՐ 4-7․ ԻՆԿԱ ՋՈՒՆԳԼԻ – ԱՐԿԱԾԱՅԻՆ
ՕՐ 4․ ԿՈՒՍԿՈ – ՍԱՆՏԱ ՄԱՐԻԱ
(Հեծանվավազք և Ռաֆթինգ)
Արկածներով լի օրը կսկսվի վաղ առավոտյան՝ Կուսկոյում համեղ նախաճաշից հետո։
Ավտոմեքենայով կհասնենք մինչև Մալագայի բարձր լեռնանցք (4316մ), որտեղից էլ լեռնային հեծանիվներով կսկսենք իջնելը՝ անցնելով փոքր գյուղերով, այգիներով, գետերով և առվակներով՝ հասնելով Հուամանմարկա քաղաքը։
Այնուհետև կարունակենք մեր ճանապարհը ավտոբուսով՝ մինչև հասնենք Սանտա Մարիա քաղաք, որտեղ էլ կճաշենք։
Ճաշից հետո կունենանք հանգստի ժամ, որից հետո առաջիկա 2 ժամը կգնանք ռափֆինգի։
Գիշերակացը՝ Սանտա Մարիայում
Առավելագույն բարձրություն՝ 4350մ
Նվազագույն բարձրություն՝ 1350մ
Հեռավորություն՝ 21կմ
Տևողություն՝ ~4 ժամ
ՕՐ 5․ ՍԱՆՏԱ ՄԱՐԻԱ – ՍԱՆՏԱ ԹԵՐԵԶԱ
Վաղ առավոտյան նախաճաշից հետո կսկսենք արշավը։ Քիչ անց մեր արահետը կմիանա ինկերի իրական արահետին։
Ճանապարհին մենք կտեսնենք սուրճի փոքր պլանտացիաներ, ագարակներ, ջրվեժներ և գետեր։ Այս էկոհամակարգը պատկանում է բարձր լեռնային անտառներին և կենսաբազմազանությամբ ամենահարուստներից մեկն է արևադարձային շրջաններում:
Մոտ երկու ժամ արշավելուց հետո կհասնենք Քելլոմայո և կճաշենք։
Ճաշից հետո կքայլենք դեպի Կոկալմայու տաք աղբյուրներ, կհանգստանանք և արունակենք մինչև օրվա վերջին նպատակակետը՝ Սանտա Թերեզա։
Գիշերակացը՝ Սանտա Թերեզայում
Առավելագույն բարձրություն՝ 1657մ
Նվազագույն բարձրություն՝ 1250մ
Հեռավորություն՝ 12կմ
ՕՐ 6․ՍԱՆՏԱ ԹԵՐԵԶԱ – ԱԳՈՒԱՍ ԿԱԼԻԵՆՏԵՍ (Արշավ և զիփլայն)
Վաղ առավոտյան նախաճաշից հետո այն մասնակիցներն, ովքեր կցանկանան կգնան զիփլայնի Ուռուբամբա գետի կիրճում։ Այնուհետև մեր ավտոբուսը մեզ կտանի այն տարածք, որը հայտնի է որպես հիդրոէլեկտրակայան: Ճաշը կլինի Հիդրոէլեկտրակայանում, որին կհաջորդի կարճատև հանգիստ:
Շարունակելով արշավը՝ մոտ երեկ ժամ անց կհասնենք Ագուաս Կալիենտես քաղաք։
Երկոյան կհանդիպետք տեղի ռեստորաններից մեկում՝ ընթրելու և հաջորդ օրվա՝ Մաչու Պիկչուի տուրի մանրամասները քննարկելու համար։
Գիշերակացը՝ Aguas Calientes El Mapi by Inkaterra Hotel 3*
Առավելագույն բարձրություն՝ 2050մ
Նվազագույն բարձրություն՝ 1500մ
Հեռավորություն՝ 16կմ
ՕՐ 7․ՄԱՉՈՒ ՊԻԿՉՈՒ – ԿՈՒՍԿՈ
Օրը կսկսենք վաղ առավոտյան։ Ավտոմեքենայով կբարձրանանք դեպի Մաչու Պիկչու լեռ (2490մ)։ Մաչու Պիկչուն լուսադեմին անկրկնելի է: Միանշանակ, Ինկերի քաղաքն ամենատպավորիչն է վաղ առավոտյան և լավագույն լուսավորությամբ՝ ֆանտաստիկ նկարների և շրջակա լանդշաֆտի կախարդական տեսարանների համար:
Շրջայց պատմական Մաչու Պիկչուում՝ բոլոր տեսարժամ վայրերի մուտքերով։
Վերջապես, երբ կզգանք, որ տեսել եք Մաչու Պիկչուի բոլոր անկյունները, կվերադառնանք Ագուաս Կալիենտես: Երեկոյան գնացքով կուղևորվենք Կուսկո։
Գիշերակացը՝ Palacio del Inka, a Luxury Collection Hotel by Marriott 5*
ՕՐ 8․ԾԻԱԾԱՆ ԼԵՌ
Վաղ առավոտյան ժամը 04:00-ից 04:30-ը կշարժվենք դեպի քաղաքի հարավ՝ անցնելով դաշտերով, գետերի ափերով, լեռներով, գյուղերով՝ մինչև կհասնենք Կուսիպատա քաղաք, որտեղ կվայելենք մեր համեղ նախաճաշը։
Այստեղից կշարունակենք մեքենայի ճանապարհը մոտ 45 րոպե մինչև Փուլավասիպատա՝ արշավի մեկնարկի վայր։
Երկու ժամ արշավելուց հետո կհասնենք Ծիածան լեռանը։ Այս լեռն առանձնանում է մարդու աչքին ընկալելի բոլոր գուների պարունակությամբ լանջերով, այդ իսկ պատճառով էլ կոչվում է Ծիածան։ Լեռան մեկ այլ անվանումն է Վինիկունկա։
Վերադարձ Կուսիպատա։
Համեղ ճաշից հետո՝ վերադարձ Կուսկո։
Գիշերակացը՝ Palacio del Inka, a Luxury Collection Hotel by Marriott 5*
Առավելագույն բարձրություն՝ 5020մ
Նվազագույն բարձրություն՝ 3890մ
Արշավի երկարությունը՝ մոտ 5կմ
ՕՐ 9․ ԿՈՒՍԿՈ
ՇՐՋԱՅՑ – ԽՈՀԱՐԱՐՈՒԹՅԱՆ ԴԱՍ
Այսօրը առավոտյան հնարավորություն կունենանք ծանոթանալու Կուսկոյի պատմական կենտրոնի ամենագրավիչ վայրերին․
Plaza de Armas / Գլխավոր հրապարակ, որտեղ գտնվում են գլխավոր տաճարը և գաղութատիրական տները
Պլացա Նազարենաս
Սան Բլաս թաղամաս
Տասներկուանկյուն քարը
Սան Պեդրո տեղական շուկա
Սան Պեդրոյի տեղական շուկայում դուք հնարավորություն կունենաք ծանոթանալ տեղական արտադրանքին, որոնցից որոշները կօգտագործեք խոհարարության դասի համար:
Խոհարարության դասը կանցկացվի տեղացի պրոֆեսիոնալ խոհարարի հետ, դուք քայլ առ քայլ կծանոթանաք խոհանոցում ամենահամեղ ուտեստները ստեղծելու արվեստին՝ օգտագործելով պարզ բաղադրատոմսեր՝ տեղական մթերքով:
Գիշերակացը՝ Palacio del Inka, a Luxury Collection Hotel by Marriott 5*
ՕՐ 10․ՎԵՐԱԴԱՐՁ
Կախված թռիչքի ժամից խումբը կտեղափոխվի Կուսկոյի օդանավակայան։
Թռիչք դեպի Լիմա։
Վերադարձ Երևան։
ԱՐԺԵՔ՝
2890$
Ներառված է՝
Ներառված Չէ՝
