ՎԵՐԵԼՔ ՔԱՋՔԱՐ ԼԵՌ | 3937 Մ

4-ՕՐՅԱ ԼԵՌՆԱՅԻՆ ԱՐՇԱՎ ԴԵՊԻ ՊՈՆՏՈՍԻ ԱՄԵՆԱԲԱՐՁՐ ԳԱԳԱԹ

Կան գագաթներ, որոնց մասին պարզապես լսում ես, և կան գագաթներ, որոնք փոխում են լեռների մասին պատկերացումն ամբողջությամբ։ Քաջքարը հենց այդպիսին է։

3937 մետր բարձրությամբ Քաջքարը Պոնտոսի լեռների ամենաբարձր գագաթն է և ամենագեղեցիկ լեռնային երթուղիներից մեկը։ Նրա լանջերը հայտնի են ալպյան մարգագետիններով, սառցադաշտային լճերով, արագահոս գետերով և անընդհատ փոփոխվող բնապատկերներով, որոնց համար հազարավոր լեռնագնացներ ամեն տարի գալիս են աշխարհի տարբեր երկրներից։

Այս ճանապարհորդությունը միայն գագաթ նվաճելու մասին չէ։ Այն ճանապարհ է դեպի պատմական Համշեն, դեպի հայկական մշակութային ժառանգություն, դեպի վայրի բնություն և դեպի այն զգացողությունը, երբ յուրաքանչյուր քայլ քեզ ավելի մոտ է տանում ամպերից վեր կանգնելու պահին։

Վերելքի ընթացքում ձեզ կուղեկցեն փորձառու լեռնային գիդերն ու տեղացի ուղեկցորդները, իսկ ամբողջ կազմակերպչական մասը՝ տրանսպորտից մինչև ճամբար, ապահովված կլինի մեր թիմի կողմից, որպեսզի դուք ամբողջությամբ կենտրոնանաք ճանապարհի  վրա։

Քաջքարի վերելքը ներառված է նաև Հայկական լեռնաշխարհի յոթ ամենաբարձր գագաթների ծրագրում և համարվում է յուրաքանչյուր լեռնասերի պարտադիր այցելելի ուղղություններից մեկը։

Արժեք՝ 180.000 դրամ

Գինը ներառում է

  Տրանսպորտ

 Հարմարավետ հյուրանոց

 Փորձառու  լեռնային ուղեկցորդներ

Վրաններ

  Շշալցված ջուր

Գինը չի ներառում

• Թուրքիայի մուտքի վիզա
• Սնունդ
• Առողջական ապահովագրություն

ԾՐԱԳԻՐ

ՕՐ 1 | ՊԱՏՄԱԿԱՆ ՀԱՄՇԵՆԻ ՃԱՆԱՊԱՐՀՆԵՐՈՎ

Երթուղի

Երևան → Գյումրի → Ախալքալաք → Կարծախ → Արդահան → Շավշատ → Օլգունլար

Առավոտյան Երևանից կմեկնենք դեպի Պոնտոսի լեռներ։ Ճանապարհին կանցնենք Հայաստանի և Վրաստանի սահմանային բնակավայրերով, ապա կմտնենք պատմական հայկական բնակավայրերով հարուստ տարածաշրջան։

Առաջին կանգառը կլինի Արդահանում, որտեղ կտեսնենք Կուր գետի վերին հոսանքը և քաղաքի միջնադարյան բերդը, որը դարեր շարունակ պաշտպանել է այս կարևոր ճանապարհահատվածը։

Շարունակելով ճանապարհը՝ կհասնենք Շավշատ։ Այստեղ մեզ սպասում է Բագրատունիների ժամանակաշրջանում կառուցված Շավշատի բերդը, որի պարիսպներից բացվում են անտառներով ու լեռներով շրջապատված հիասքանչ տեսարաններ։

Օրվա ընթացքում կուղևորվենք նաև Ճորոխ գետի կիրճով։ Ճորոխը տարածաշրջանի ամենահզոր գետերից է, որը սկիզբ է առնում Հայկական լեռնաշխարհում և թափվում Սև ծով։ «Ճոխ Ճորոխ» հայտնի դիտակետում կանգառը լավագույն հնարավորությունն է վայելելու գետի ամբողջ հզորությունն ու շրջակա բնությունը։

Երեկոյան կհասնենք Օլգունլար, որտեղ կհանգստանանք և կպատրաստվենք վաղվա վերելքին։

ՕՐ 2 | ԴԵՊԻ ՀԻՄՆԱԿԱՆ ՃԱՄԲԱՐ

Այսօր սկսվում է արշավի ամենասպասված մասը։

Օլգունլար գյուղից (2100 մ) կսկսենք քայլարշավը դեպի հիմնական ճամբար (2800 մ)։

Առաջին հատվածը համարվում է Քաջքարի ամենագեղեցիկ արահետներից մեկը։ Ճանապարհը անցնում է ալպյան մարգագետիններով, սառնորակ աղբյուրների, քարքարոտ լանջերի և փոքրիկ լճերի կողքով։ Ամռանը այս տարածքը վերածվում է գունագեղ բնական պարտեզի, որտեղ կարելի է հանդիպել տասնյակ բարձրալեռնային բույսերի տեսակներ։

Հիմնական ճամբարում կհանգստանանք, կընթրենք և գիշերակաց կունենանք՝ վաղ առավոտյան  վերելքին պատրաստ լինելու համար։

Քայլարշավ՝ մոտ 7 կմ

Հարաբերական բարձրությունը՝ մոտ 700 մ

ՕՐ 3 | ՎԵՐԵԼՔ ՔԱՋՔԱՐԻ ԳԱԳԱԹ

Վաղ առավոտյան կսկսենք վերելքը դեպի 3937 մետր բարձրությամբ Քաջքարի գագաթ։

Արևածագը լեռներում առանձնահատուկ գեղեցկություն ունի․ առաջին արևի շողերը աստիճանաբար լուսավորում են ամբողջ Պոնտոսի լեռնաշղթան՝ ստեղծելով անմոռանալի տեսարան։

Մոտ հազար մետր հարաբերական բարձրություն հաղթահարելուց հետո կհասնենք գագաթին։

Բարենպաստ եղանակի դեպքում այստեղից կարելի է տեսնել Սև ծովի ափամերձ հատվածները, Պոնտոսի լեռների անվերջանալի շարքերը և դեպի հարավ ձգվող Հայկական լեռնաշխարհի բազմաթիվ գագաթներ։

Գագաթին կունենանք հանգիստ և ժամանակ՝ վայելելու հաղթանակի այդ յուրահատուկ պահը։

Այնուհետև կվերադառնանք հիմնական ճամբար, կարճ դադարից հետո կշարունակենք իջնել մինչև Օլգունլար։

Ընդհանուր քայլարշավ՝ մոտ 15 կմ

Հարաբերական բարձրություն՝ մոտ 1000 մ

ՕՐ 4 | ՋՐՎԵԺՆԵՐ, ԲԵՐԴԵՐ ԵՎ ՎԵՐԱԴԱՐՁ

Նախաճաշից հետո կսկսենք վերադարձի ճանապարհը՝ ճանապարհին այցելելով տարածաշրջանի ամենահայտնի տեսարժան վայրերը։

Առաջինը կլինի Պարխարի հայկական եկեղեցին, որը գտնվում է Քաջքարի ստորոտին։ Չնայած անցած դարերին՝ եկեղեցին պահպանել է իր ճարտարապետական գեղեցկությունն ու շարունակում է մնալ տարածաշրջանի կարևորագույն հայկական հուշարձաններից մեկը։

Այնուհետև կայցելենք Թորթումի ջրվեժը՝ Հայկական լեռնաշխարհի ամենախոշոր բնական ջրվեժներից մեկը։ Մոտ 50 մետր բարձրությունից թափվող ջուրը տարվա ցանկացած եղանակին ստեղծում է տպավորիչ տեսարան։

Վերջին կանգառը կլինի Օլթիի միջնադարյան բերդում, որը կառուցված է ժայռոտ բարձունքի վրա և դարեր շարունակ եղել է տարածաշրջանի կարևոր պաշտպանական կենտրոններից մեկը։

Ճաշից հետո կուղևորվենք դեպի Հայաստան՝ ճանապարհին ամփոփելով այս չորս օրերի լավագույն հիշողությունները։

Ո՞ւմ համար է այս արշավը

Այս ծրագիրը նախատեսված է ակտիվ կենսակերպ սիրող մարդկանց համար, ովքեր ցանկանում են փորձել իրենց ուժերը։

Վերելքը տեխնիկապես բարդ չէ, սակայն պահանջում է լավ ֆիզիկական պատրաստվածություն, դիմացկունություն և քայլարշավային փորձ։

Եթե վաղուց երազում եք նվաճել առաջին գրեթե 4000-անոց գագաթը կամ հերթականը ավելացնել ձեր լեռնային ձեռքբերումների ցանկում, Քաջքարը լավագույն ընտրություններից մեկն է։

Քաջքարը պարզապես գագաթ չէ։ Այն ճանապարհ է, որը հիշվում է ամբողջ կյանքում։