Արագածոտնի մարզի Կոշ գյուղի հյուսիսային կողմում է գտնվում Կոշի բերդից ու եկեղեցուց բաղկացած համալիրը: Գյուղի հյուսիս-արևելքից ձորալանջին կանգուն է Սուրբ Ստեփանոս եկեղեցին:
Կոշի բերդը գտնվում է սարի կատարին: Բերդը թվագրվում է 13-րդ դարով: Կոշ գյուղից հարավ՝ խճուղու եզրին կանգուն է կարմիր տուֆից պատրաստված խաչքար- հուշարձան: Խաչքարն ունի շուրջ յոթ մետր բարձրություն: Ըստ դրա վրայի արձանագրության` Կոշը կառուցվել է Արագածոտնը թուրք-սելջուկներից ազատագրելու պատվին:
Սուրբ Ստեփանոս եկեղեցի
Եկեղեցին կառուցված դեղնակարմրավուն և դարչնագույն սրբատաշ տուֆից։ Այն իրենից ներկայացնում է խաչաձև գմբեթավոր կառույց: Ավագ խորանի երկու կողմերին ավանդատներ են: Եկեղեցին ունի հարուստ դեկորատիվ հարդարանք։ Համեմատաբար լավ է պահպանվել Քրիստոսի փառաբանության պատկերը բեմի գմբեթարդում։
Կոշի բերդ
Կոշի բերդը ունի ուղղանկյուն անկյուններ և կլոր աշտարակներ: Բերդը կառուցված է քարի մեծ կտորներից: Մուտքերը հյուսիսային և հարավային կողմերից են: Գոյություն ունեն վաղ Երկաթի դարաշրջանի բազմաթիվ հիշատակումներ, ինչպես նաև բազալտ քարից կառուցված բնակելի շենքերի ավերակներ: Այս ամրոցի պատմահնագիտական արժեքը շատ մեծ է,որոհետև լավ է պահպանվել նրա ամբողջականությունը։
Ավանդություն
Կոշի բերդը նաև անվանում են Աղջկա բերդ: Այդ անվան հետ կապված ժողովրդի մեջ կա մի ավանդություն։ Ասում են, թե Լենկ Թեմուրը իմանալով,որ այստեղ մի գեղեցիկ աղջիկ է ապրում,ուղարկում է զինվորներին, որ բերեն իր մոտ։ Երեք զինվորներ գալիս են և առևանգում են աղջկան: Մի հովիվ տեսնելով այդ, հետևում է նրանց։ Գիշերը, երբ զինվորները քնած են լինում, հովիվը սպանում է նրանց և աղջկան նորից հետ բերում ամրոց: Լենկ Թեմուրը կատաղած հարձակվում է բերդում ամրացած հայերի վրա: Մի պառավի մատնությամբ նա կտրում է բերդի ջուրը և այդպիսով կարողանում հաղթել հայերին։ Տեսնելով այդ, աղջիկը պարսպից գետն է նետում իրեն: Դմրանից հետո բերդի անունը դնում են Աղջկա բերդ։
Կոշ գյուղը
Կոշ գյուղը գտնվում է ծովի մակերևույթից 1250 մետր բարձրության վրա: Կոշ գյուղը հնում կոչել են Կվաշ և այն համարվել է Մեծ Հայքի Արարատ աշխարհի Արագածոտն գավառի գյուղերից։ Ըստ ավանդության ասյտեղ է բնակվել բիբլիական Քանանի որդի Քուշը, որի անվան աղավաղումից առաջացել է Կվաշ անվանումը:
