Ո՞րն է բարդության աստիճանը
Արշավ ընտրելիս միշտ պետք է ուշադրություն դարձնել ոչ միայն արշավի համար ընտրված վայրին ու գեղեցիկ լուսանկարներին, այլև երթուղու բարդության աստիճանին։
Զբոսաշրջության մեջ կա երթուղիների որոշակի դասակարգում: Այն առաջացել է արդեն իսկ ձեռք բերված փորձից և կարող է հետագայում փոխվել: Դրա իմաստն է՝ աստիճանաբար փորձ կուտակել և խուսափել սեփական ուժերի գերագնահատումից և երթուղու թերագնահատումից:
Բարդության մակարդակը երթուղին անցնող մասնակիցների բարդության սուբյեկտիվ գնահատումն է: Միևնույն ժամանակ ենթադրվում է, որ մասնակիցը կունենա նվազագույն փորձ: Միաժամանակ հաշվի են առնվում տարածաշրջանի առանձնահատկությունները և եղանակային պայմանների վատթարացման հնարավոր ազդեցությունը։
Տարածաշրջանի առանձնահատկություններից կախված բարդությունը ներառում է բարդ ռելիեֆի հաղթահարում ՝ ժայռեր, քարքարոտ հատվածներ և այլն:
Եղանակային պայմանների վատթարացման հնարավոր ազդեցությունն են՝ անձրև, ձյուն, քամի։ Սովորաբար, որքան մեծ է երթուղու բարձրությունը, այնքան եղանակային պայմաններն ավելի խիստ են։ Ցուրտ եղանակը նույնպես բարդացնում է երթուղին։ Բարձր լեռներում, ինչպիսիք են Հիմալայները և այլ 3000 մ-ից բարձր լեռներում կատարվող արշավներում, բարձրությունը գործոն է, որը մեծապես բարդացնում է երթուղին: 4000 մ-ից բարձր նույնիսկ շատ պարզ երթուղին հոգնեցուցիչ է դառնում։ Այս բարձրության վրա քրոնիկ հիվանդությունները կարող են սրվել։
Հեշտ արշավներ
Սրանք կարճ արշավներն են, որոնք առավել հարմար են սկսնակների և անփորձ զբոսաշրջիկների համար: Մասնակիցները քայլում են օրական ոչ ավելի, քան 5-8 կմ, որը հաղթահարում են օրական 3-5 ժամում:
Բոլոր արահետները լավ վիճակում են: Հաղթահարվող հարաբերական բարձրությունը ոչ ավելին է, քան 400-500 մետր:
Չափավոր հեշտ արշավներ
Օրական տեղաշարժը 5-6 ժամից ոչ ավելի է։ Արահետները, որոնցով անցնում են արշավականները, լավ գծանշված են, կան աննշան բարդ հատվածներ։ Օրվա ընթացքում արշավի մասնակիցներն հաղթահարում են 8-11 կմ և հարաբերական բարձրանում են ոչ ավելի, քան 400-700 մ:
Միջին բարդության արշավներ
Օրական տեղաշարժը 6-9 ժամ է: Մրցակիցները շարժվում են լավ գծանշված արահետներով, սակայն կան դժվարանցանելի հատվածներ: Այսպիսի արշավները կարող են ներառել թեթև թեքությամբ սառցադաշտերի անցում կամ վերելքներ: Հաղթահարվող հարաբերական բարձրությունը ոչ ավելին է, քան 1000 մ: Օրվա ընթացքում արշավի մասնակիցներն հաղթահարում են 10-15 կմ: Այսպիսի արշավներին կարող են մասնակցել միայ լավ ֆիզիկական պատրաստվածություն ունեցող մարդիկ:
Բարդ արշավներ
Սրանք ամենադժվար տարբերակներն են, որոնք բնութագրվում են երկար և բարդ անցումներով՝ վերելքներով ու խոչընդոտներով։ Օրվա ընթացքում արշավի մասնակիցներն հաղթահարում են առնվազն 20 կմ և հարաբերական բարձրանում են մինչև 1200 մ:
Ճանապարհներն անցնում են անկայուն եղանակային պայմաններով (ձյուն, անձրեւ, քամի)։ Արահետները վատ գծանշված են։ Հաճախ մարդիկ շարժվում են անմարդաբնակ տարածքներով: Մասնակցությունը պահանջում է որոշակի փորձ լեռնային զբոսաշրջության ոլորտում: Նախապայմանը լավ ֆիզիկական պատրաստվածությունն է, ինչպես նաև կողմնորոշվելու հմտությունները:
